అర్ధరాత్రి నడిరోడ్డుపై రక్తపు మడుగులో.. హాస్పిటల్లో చేర్పించిన దేవత.. సాయం చేయండి ప్లీజ్!



భద్రాద్రి కొత్తగూడెం జిల్లా, అశ్వాపురం మండలం మల్లెలమడుగు గ్రామానికి చెందిన గొడుగు రంజిత్ అనే యువకుడు బతుకుదెరువు కోసం కొద్ది నెలల క్రితం వచ్చాడు. సోమవారం (మే 6) రాత్రి 11 గంటల సమయంలో పని ముగించుకొని తన ఫ్రెండ్‌తో కలిసి రూమ్‌కు వెళ్లేందుకు బైక్ మీద బయల్దేరగా.. జూబ్లీహిల్స్ సమీపంలో వేగంగా దూసుకొచ్చిన కారు బలంగా ఢీకొట్టింది. దీంతో అతడు ఎగిరి పడటంతో తల డివైడర్‌కి బలంగా తాకింది. రోడ్డు మీద రక్తపు మడుగులో పడి ఉన్న వీరిద్దర్నీ ఓ మహిళ ఫిల్మ్‌నగర్ అపోలో హాస్పిటల్‌లో చేర్పించింది. చికిత్స కోసం రూ.50 వేలు చెల్లించి, కుటుంబీకులకు సమాచారం ఇచ్చింది.

తలకు బలమైన గాయాలు కావడంతో రంజిత్ కోమాలోకి వెళ్లాడు, బ్రెయిన్ డ్యామేజీ అయ్యిందని డాక్టర్లు చెప్పారు. ప్రాణాల కోసం పోరాడుతున్న ఆ యువకుడికి బ్రెయిన్ సర్జరీ చేయాలన్నారు. సర్జరీ కోసం రూ.10 లక్షలకు పైగా ఖర్చవుతుందని తెలిపారు. అతడిది పేద కుటుంబం కావడంతో కుటుంబ సభ్యులు ‘ఇంపాక్ట్ గురూ’ ద్వారా విరాళాలు సేకరిస్తున్నారు. గొప్ప మనసున్న వ్యక్తుల ద్వారా ఇప్పటి వరకూ రూ.1.20 లక్షలకుపైగా విరాళాలు అందాయి. బంధువులు, గ్రామస్థులు కూడా తమకు తోచిన మొత్తం సాయం చేశారు. ‘సమయం’ టీం తరఫున మేం కూడా కొంత మొత్తం విరాళం ఇచ్చాం.

ఈ యువకుడిని ఆదుకోవడానికి మీరు కూడా తోచిన సాయం చేయండి. మీరు పంపించే వంద రూపాయలే ఓ ప్రాణాన్ని నిలబెట్టొచ్చు. ప్రాణాలతో పోరాడుతున్న ఈ యువకుణ్ని కాపాడటానికి, ఆ కుటుంబంలో తిరిగి చిరునవ్వులు నింపడానికి ఈ వార్తను మీ సన్నిహితులకు ఫార్వర్డ్ చేయండి. ఓ ప్రాణాన్ని నిలబెట్టిన సంతృప్తి మీ సొంతం అవుతుంది.



Source link

Leave a Reply

Your email address will not be published. Required fields are marked *