ఆస్ట్రేలియా క్రికెటర్లకి సెంట్రల్ కాంట్రాక్ట్ ప్రకటన.. ఖవాజా ఔట్



క్రికెటర్లకి 2020-21 సీజన్‌కి సంబంధించిన సెంట్రల్ కాంట్రాక్ట్‌ని తాజాగా క్రికెట్ ఆస్ట్రేలియా (సీఏ) ప్రకటించింది. కరోనా వైరస్ కారణంగా క్రికెట్ సిరీస్‌లన్నీ రద్దవడంతో ఆర్థికంగా ఇబ్బందులు ఎదుర్కొంటున్నప్పటికీ 20 మంది‌కి ఆ సెంట్రల్ కాంట్రాక్ట్‌లో చోటిచ్చిన సీఏ.. నిలకడలేని ఆటగాళ్లకి మాత్రం మొండిచేయి చూపింది. ఈ క్రమంలో సీనియర్ క్రికెటర్లు ఉస్మాన్ ఖవాజా, మార్కస్ స్టాయినిస్ తదితరులు ఈ సెంట్రల్ కాంట్రాక్ట్ నుంచి చోటు కోల్పోగా.. ఇటీవల సంచలన ఇన్నింగ్స్‌లతో వెలుగులోకి వచ్చిన మార్నస్ లబుషేన్‌కి ఛాన్స్ లభించింది.

సీఏ ప్రకటించిన కాంట్రాక్ట్‌లో ఉన్న ఆటగాళ్ల జాబితా ఇదే: అరోన్ ఫించ్, డేవిడ్ వార్నర్, స్టీవ్‌స్మిత్, మిచెల్ స్టార్క్, అస్టన్ అగర్, జో బర్న్స్, అలెక్స్ క్యారీ, పాట్ కమిన్స్, జోష్ హేజిల్‌వుడ్, ట్రావిస్ హఎడ్, మార్నస్ లబుషేన్, నాథన్ లయన్, మిచెల్ మార్ష్, గ్లెన్ మాక్స్‌వెల్, టిమ్ పైనీ, జేమ్స్ పట్టీసన్, కేన్ రిచర్డ్‌సన్, జై రిచర్డ్‌సన్, మాథ్యూ వెడ్, ఆడమ్ జంపా

సీనియర్ క్రికెటర్ ఉస్మాన్ ఖవాజా ఐదేళ్ల తర్వాత తొలిసారి సెంట్రల్ కాంట్రాక్ట్‌‌లో చోటు కోల్పోగా.. మార్కస్ స్టాయినిస్, మార్కస్ హారిస్, షాన్ మార్ష్, పీటర్ హాండ్స్‌కబ్, నాథన్ కౌల్టర్‌ నైల్‌కి అందులో ఛాన్స్ లభించలేదు. ఇక కాంట్రాక్ట్‌లోకి రీఎంట్రీ ఇచ్చిన వారిలో లబుషేన్‌తో పాటు అస్గన్ అగర్, మిచెల్ మార్ష్, కేన్ రిచర్డ్‌సన్, మాథ్యూ వెడ్ ఉన్నారు. సెంట్రల్ కాంట్రాక్ట్‌లో ఉన్న క్రికెటర్లకి 2020-21 సీజన్‌కి సంబంధించి సీఏ నుంచి వార్షిక వేతనం అందనుంది. అలానే ఆస్ట్రేలియా తరఫున ఆడేందుకు ఈ కాంట్రాక్ట్‌లోని ఆటగాళ్లకే అధిక ప్రాధాన్యత ఉంటుంది.



Source link

Leave a Reply

Your email address will not be published. Required fields are marked *