‘ఆ ఖాతాల్లో సొమ్ము వెనక్కి తీసుకోబోం.. ఎప్పుడైనా విత్‌డ్రా చేసుకోవచ్చు’



ప్రధానమంత్రి ఖాతాల్లో జమ చేసిన డబ్బులను ఈ లాక్ డౌన్‌లోపు విత్‌డ్రా చేసుకోకపోతే వాటిని ప్రభుత్వం వెనక్కి తీసుకుంటుందని వదంతులు వస్తున్న సంగతి తెలిసిందే. దీనిపై తాజాగా కేంద్ర ఆర్థిక మంత్రిత్వశాఖ స్పష్టత ఇచ్చింది. జన్‌ధన్‌ యోజన ఖాతాల్లో జమ చేసిన డబ్బులను ప్రభుత్వం తిరిగి వెనక్కి తీసుకోబోదని ప్రకటించింది. ఏప్రిల్‌ నెలకు ఇప్పటికే రూ.500ను అన్ని ఖాతాల్లో జమ చేశామని ఆర్థికశాఖ వెల్లడించింది. మిగిలిన రూ.వెయ్యి కూడా రూ.500 చొప్పున తర్వాతి రెండు నెలల్లో జమ చేస్తామని వెల్లడించింది.

అయితే, ఎస్‌బీఐలోనే జన్‌ ధన్ ఖాతాలు ఎక్కువగా ఉన్నాయి. ఈ నేపథ్యంలో జమ చేసిన డబ్బులు లాక్ డౌన్‌లోపు ఉప సంహరించుకోకపోతే అవి వెనక్కి వెళ్లిపోతాయని పుకార్లు వచ్చాయి. దీంతో వ్యక్తిగత దూరం పాటించకుండానే చాలా మంది బ్యాంకుల వద్ద విపరీతంగా గుమిగూడుతున్నారు. సామాజిక దూరం పాటించకుండా లాక్‌ డౌన్‌ నిబంధనలను ఉల్లంఘిస్తున్నారు. ఈ నేపథ్యంలో బ్యాంకు సైతం అలాంటివి నమ్మొద్దని పిలుపునిచ్చింది. ఖాతాదారుల డబ్బులు ఎక్కడికీ పోవని ఎస్‌బీఐ తెలంగాణ చీఫ్ జనరల్ మేనేజర్ ఓపీ మిశ్రా వెల్లడించారు. ఖాతాదారులు ఎవరు భయపడాల్సిన అవసరం లేదని ఖాతాలో ఉన్న డబ్బును ఎప్పుడైనా తీసుకోవచ్చని స్పష్టం చేశారు.

Must Read:

ప్రభుత్వం జమ చేసిన డబ్బులను లబ్ధిదారులు తమకు అనువైనప్పుడు తీసుకోవచ్చని ఆర్థిక మంత్రిత్వశాఖలోని ఆర్థిక సేవల శాఖ (డీఎఫ్‌ఎస్‌) ట్వీట్‌ చేసింది. అయితే, దేశంలో ప్రస్తుతం 38.08 కోట్ల జన్‌ధన్‌ ఖాతాలు ఉన్నాయి. అందులో 20.60 కోట్లు మహిళలకే ఉన్నాయి. ఏప్రిల్‌ 1 నాటికి జన్‌ధన్‌ ఖాతాల్లో రూ.1.19 లక్షల కోట్లు జమ ఉంది.

Must Read:



Source link

Leave a Reply

Your email address will not be published. Required fields are marked *