ఇంగ్లాండ్ టూర్ ముంగిట.. క్యాంప్‌కి పర్మీషన్ కోరిన పాక్ టీమ్



ఇంగ్లాండ్‌తో జులైలో సిరీస్ ఆడేందుకు అక్కడికి వెళ్లనున్న పాకిస్థాన్‌ క్రికెట్ జట్టుకి కనీసం రెండు వారాల క్యాంప్‌ని నిర్వహించాలని క్రికెట్ బోర్డు (పీసీబీ) యోచిస్తోంది. కరోనా వైరస్ కారణంగా మార్చి నుంచి క్రికెట్ సిరీస్‌లన్నీ రద్దవగా.. ఆటగాళ్లు అప్పటి నుంచి క్రికెట్‌కి దూరంగా ఉన్నారు. దాంతో.. ప్లేయర్స్‌కి ఆటపై టచ్ పోయింటుందని భావిస్తున్న పీసీబీ.. హెడ్ కోచ్ పర్యవేక్షణలో ప్రాక్టీస్ చేయించాలని ప్రాథమికంగా నిర్ణయించింది.

ఇంగ్లాండ్ పర్యటన కోసం దాదాపు 20 మందితో ప్రాథమికంగా ప్రాబబుల్స్ జట్టుని ఎంపిక చేసిన పాకిస్థాన్ క్రికెట్ బోర్డు.. వారి క్యాంప్‌కి అనుమతివ్వాల్సిందిగా పాకిస్థాన్ ప్రభుత్వాన్ని కోరింది. వారితో పాటు క్యాంప్‌లో కోచ్‌, సహాయ సిబ్బంది కూడా ఉండనుండటంతో.. లాహోర్‌లోని హై ఫెర్ఫామెన్స్ సెంటర్‌‌‌ని వేదికగా చేసుకోవాలని పీసీబీ యోచిస్తోంది. అయితే.. 20 మందికి మించి ఆ సెంటర్‌లో ఉండేందుకు వసతులు లేవు.

ఒక్కసారి క్యాంప్‌ ప్రారంభమైన తర్వాత ఆటగాళ్లతో పాటు సహాయ సిబ్బంది కూడా తమ ఫ్యామిలీ మెంబర్స్‌ని కలిసే అవకాశం ఉండదు. ఆ క్యాంప్ నుంచి నేరుగా ఇంగ్లాండ్‌కి వెళ్లి అక్కడ 14 రోజులు క్వారంటైన్ తర్వాత పాకిస్థాన్ జట్టు మ్యాచ్‌లు ఆడే సూచనలు కనిపిస్తున్నాయి. అయితే.. ఈ క్యాంప్‌కి పాకిస్థాన్ ప్రభుత్వం అనుమతి ఇస్తుందా..? ఇస్తే ఎక్కడ దాన్ని నిర్వహిస్తారు..? అనేదానిపై ఇంకా పూర్తి స్థాయిలో స్పష్టత రావడం లేదు. పాకిస్థాన్‌లో ఇప్పటి వరకూ 89,249 మందికి కరోనా వైరస్ సోకింది.



Source link

Leave a Reply

Your email address will not be published. Required fields are marked *