ఇక నుంచి టీమిండియాలోనూ ‘వ‌ర్క్ ఫ్ర‌మ్ హోమ్‌’



కరోనా వైరస్ ఉనిక‌లోకి వచ్చాాక ప్రతీచోట వినపడుతున్న మాట ‘వర్క్ ఫ్రమ్ హోమ్’. ఇంటి నుంచే ఉద్యోగ బాధ్య‌త‌ల‌ను నిర్వ‌హించ‌డానికి ఈ ప‌ద్ధ‌తి ఎంత‌గానో ఉప‌క‌రించ‌నుంది. తాజాగా భార‌త క్రికెట్‌లోనూ వ‌ర్క్‌ఫ్ర‌మ్ హోమ్‌ను ప్రవేశ‌పెట్టింది. ఇందుకు సంబంధించిన ఒక యాప్‌ను రూపొందించిన బోర్డు.. ఈ యాప్ ద్వారా అన్ని కార్య‌క‌లాపాల‌ను ప‌ర్య‌వేక్షించనుంది. క్రికెట‌ర్లంద‌రూ త‌మ రోజువారి ట్రైనింగ్‌, ఇత‌ర వివ‌రాల‌ను ఈ యాప్‌లో పొందుప‌ర్చ‌నున్నారు.

Must Read:
వ‌ర్క్ ఫ్రమ్ హోమ్ అనే ఆలోచన బోర్డు కార్య‌ద‌ర్శి జై షాది అని బీసీసీఐ కోశాధికారి అరుణ్ ధుమాల్ తెలిపారు. ఆట‌గాళ్లు, కోచ్‌లు, స‌హాయ‌క సిబ్బందిని ప‌ర్య‌వేక్షించ‌డానికి ఈ యాప్ ఉప‌క‌రించ‌నుంద‌ని అభిప్రాయ‌ప‌డ్డారు. మ‌రోవైపు ఈ యాప్ ద్వారా ప్లేయ‌ర్ల‌కు కావాల్సిన సాయ స‌హ‌కారాల‌ను అందించ‌వ‌చ్చ‌ని కోచ్‌లు తెలిపారు.

Must Read:
బ్యాటింగ్‌కు సంబంధించి ఏమైనా ఇబ్బందులు ఎదురైన‌ట్ల‌యితే, అందుకు త‌గిన పరిష్కారాలను వీడియోల రూపంలో‌ ఈ యాప్ ద్వారా షేర్ చేయ‌వ‌చ్చ‌ని కోచ్ విక్ర‌మ్ రాథోడ్ తెలిపాడు. ఈ యాప్‌లో విభిన్న ద‌శ‌లుగా కార్య‌క‌ల‌పాలు సాగుతాయ‌ని బోర్డు తెలిపింది. ఆట‌గాళ్ల ఫిజిక‌ల్‌, మెంట‌ల్ హెల్త్‌ను ఎప్ప‌టిక‌ప్పుడు బేరీజు వేసేందుకు అవ‌కాశం చిక్కుతుంద‌ని తెల‌పింది. అలాగే డైట్‌, ఫిట్‌నెస్‌పై ప్రతీరోజు సెష‌న్ల‌ను నిర్వ‌హించే అవ‌కాశ‌ముంటుంద‌ని పేర్కొంది. లాక్‌డౌన్ ఎత్తివేసి, పరిస్థితులు సాధార‌ణ‌మ‌య్యాక‌, మునుప‌టి లాగానే ఆట‌గాళ్ల ట్రైనింగ్ సాగుతుంద‌ని బీసీసీఐ వెల్ల‌డించింది.



Source link

Leave a Reply

Your email address will not be published. Required fields are marked *