ఈరోజే వరల్డ్ అథ్లెటిక్స్ డే.. ప్రాముఖ్యత ఇదే



యువతకి ఫిజికల్ ఫిట్‌నెస్‌పై అవగాహన కల్పించేందుకు ‘‘వరల్డ్ అథ్లెటిక్స్ డే’’ని అమెచ్యూర్ అథ్లెటిక్స్ ఫెడరేషన్ (ఐఏఏఎఫ్‌) తెరపైకి తెచ్చింది. శారీరక శ్రమ తగ్గిపోతున్న ఈరోజుల్లో ఊబకాయం సమస్య అధికమవుతోంది. దీంతో.. ఏటా ఐఏఏఎఫ్‌ ఈరోజు (మే 7)న పిల్లలు, యువతకి అథ్లెటిక్స్ పోటీలు నిర్వహించేది. కానీ.. కరోనా వైరస్ కారణంగా ప్రస్తుతం దేశంలో లాక్‌డౌన్ అమలులో ఉండటంతో ఈ ఏడాది ఈ పోటీలు జరగడం‌పై సందిగ్ధత నెలకొంది.

వరల్డ్ అథ్లెటిక్స్ డే‌ని తొలిసారి 1996లో నిర్వహించారు. ఐఏఏఎఫ్‌ అప్పటి అధ్యక్షుడు ప్రిమో నెబియా ఈ దినోత్సవం రోజున యువతకి, పిల్లలకి పోటీలు నిర్వహించాడు. అథ్లెటిక్స్ ఫ‌ర్ ఎ బెట‌ర్ వ‌ర‌ల్డ్ అనేది ఐఏఏఎఫ్ ప్రధాన నినాదం. జూలై 17, 1992లో ఐఏఏఎఫ్‌ని స్వీడన్‌లో స్థాపించిన విషయం తెలిసిందే.

వరల్డ్ అథ్లెటిక్స్ డే‌ని దాదాపు 100 దేశాలు జరుపుకుంటుండగా.. తొలుత వివిధ క్లబ్‌లలో సభ్యులుగా ఉన్న పిల్లలకి పోటీలను నిర్వహించారు. ఆ తర్వాత క్రమంగా స్కూల్ పిల్లలని భాగస్వామ్యం చేస్తూ.. ప్రైవేట్ సంస్థల ఉద్యోగుల్ని కూడా ఇందులో పాల్గొనేలా చేశారు. మొత్తంగా.. ఈ వరల్డ్ అథ్లెటిక్స్ డే ద్వారా పాఠశాల స్థాయిలోని అథ్లెట్స్‌ వందల సంఖ్యలో వెలుగులోకి వచ్చారు. దాంతో.. ఐఏఏఎఫ్‌ ఏటా తన లక్ష్యాలను పెంచుకుంటూ వెళ్తోంది.



Source link

Leave a Reply

Your email address will not be published. Required fields are marked *