ఈ క్రెడిట్ కార్డ్‌కు ఫుల్ డిమాండ్.. తెగ తీసేసుకుంటున్న జనాలు.. లాభాలివే!



క్రెడిట్ కార్డు వినియోగం నానాటికీ పెరిగిపోతోంది. క్రెడిట్ కార్డుల వల్ల కలిగే ప్రయోజనాలు ఇందుకు కారణం. క్యాష్‌బ్యాక్, రివార్డు పాయింట్లు, డిస్కౌంట్, నో కాస్ట్ ఈఎంఐ, ఇన్‌స్టంట్ క్యాష్.. ఇలా క్రెడిట్ కార్డుల వల్ల ఎన్నో రకాల బెనిఫిట్స్ పొందొచ్చు. అందువల్ల చాలా మంది క్రెడిట్ కార్డును విరివిగా ఉపయోగిస్తూ ఉంటారు.

అయితే ప్రస్తుతం మార్కెట్‌లో ఎన్నో రకాల క్రెడిట్ కార్డులు ఉన్నాయి. వీటిల్లో ఏ కార్డు తీసుకోవాలో కూడా చాలా మందికి తెలిసి ఉండదు. అయితే మీ అవసరం ప్రాతిపదికన కార్డును ఎంచుకోవడం ఉత్తమం. దాదాపు అన్ని బ్యాంకులు వారి కస్టమర్లకు క్రెడిట్ కార్డులను అందిస్తున్నాయి.

Also Read:

ఇప్పుడు ఒక క్రెడిట్ కార్డుకు మాత్రం ఫుల్ డిమాండ్ ఉందని చెప్పుకోవాలి. అదే అమెజాన్ పే ఐసీఐసీఐ బ్యాంక్ క్రెడిట్ కార్డ్. దేశంలో వేగంగా 10 లక్షల మార్క్‌ను దాటేసిన క్రెడిట్ కార్డుగా ఇది కొత్త రికార్డ్ క్రియేట్ చేసింది. అంటే ఇప్పటికే 10 లక్షల మంది ఈ కార్డును ఉపయోగిస్తున్నారు.

Also Read:

జారీ చేసిన 20 నెలలలోపే ఈ క్రెడిట్ కార్డు ఈ ఘనత సాధించడం గమనార్హం. అమెజాన్ ఇండియా యాప్ లేదా వెబ్‌సైట్ ద్వారా ఈ క్రెడిట్ కార్డుకు అప్లై చేసుకోవచ్చు. ఆన్‌లైన్‌లోనే ఈ పని పూర్తవుతుంది. కొన్ని రోజుల్లోనే బ్యాంక్ నుంచి ఈ కార్డు మీ ఇంటికి వచ్చేస్తుంది. ఈ కార్డుపై 3 నుంచి 5 శాతం రివార్డు పాయింట్లు లభిస్తాయి. బిల్లు పేమెంట్స్, రీచార్జ్, టికెట్ బుకింగ్ వంటి వాటిపై కూడా ఆఫర్లు ఉంటాయి.

ఒక రివార్డు పాయింటు ఒక రూపాయికి సమానం. రివార్డు పాయింట్లు ఎప్పటికీ ఎక్స్‌పైరీ అవ్వవు. వీటి ద్వారా అమెజాన్‌లో షాపింగ్ చేయొచ్చు. రివార్డు పాయింట్లు ప్రతి నెలా మీ అకౌంట్‌కు జమవుతూ వస్తాయి. మీరు కూడా ఈ కార్డు పొందాలని భావిస్తే.. అమెజాన్ వెబ్‌సైట్‌కు వెళ్లి అప్లై చేసుకోవచ్చు. ఫ్రీగానే కార్డు వస్తుంది. ఎలాంటి ఫీజులు ఉండవు.



Source link

Leave a Reply

Your email address will not be published. Required fields are marked *