ఈ ఫాస్టింగ్ చేస్తే కచ్చితంగా బరువు తగ్గుతారట..



చికాగోలోని ఇలినాయిస్ యూనివర్సిటీలో పబ్లిష్ ఐన స్టడీ ప్రకారం రెసెర్చర్స్ రెండు రకాల ఫాస్టింగ్ డైట్ ను ఐడెంటిఫై చేశారు. వీటిని టైం రెస్ట్రిక్టెడ్ ఫీడింగ్ డైట్స్ అని కూడా అంటారు. ఇవి, వెయిట్ లాస్ కు హెల్ప్ చేస్తాయని చెబుతున్నారు. ఈ స్టడీ అనేది క్లినికల్ ట్రయల్ కు సంబంధించిన రిజల్ట్స్ ను వెల్లడించింది. నాలుగు గంటలు అలాగే ఆరుగంటలు టైమ్ రెస్ట్రిక్టెడ్ ఫీడింగ్ డైట్ కి సంబంధించిన రిజల్ట్స్ ఇవి. మొదటి గ్రూప్ లో వారిని మధ్యాహ్నం ఒంటి గంట నుంచి సాయంత్రం ఐదు గంటలలోపు మాత్రమే ఆహారాన్ని తినమన్నారు. రెండవ గ్రూప్ లోని వారిని మధ్యాహ్నం ఒంటి గంట నుంచి సాయంత్రం ఏడుగంటలలోపు మాత్రమే ఆహారాన్ని తినమన్నారు. ఈ రెండు గ్రూప్స్ వారు వారికి అనుమతించిన సమయాల్లో మాత్రమే తమకు నచ్చిన ఆహారాన్ని తినాలి. ఇదే తినాలి అని రూలేం పెట్టలేదు. ఫుడ్ రెస్ట్రిక్షన్స్ ఏవీ లేవు. కేవలం టైమ్ రెస్ట్రిక్షన్స్ మాత్రమే ఉన్నాయి. కేలరీ కౌంట్ లో కూడా రెస్ట్రిక్షన్స్ లేవు.

ఎంత బరువు తగ్గుతారంటే..
అయితే, ఫాస్టింగ్ హవర్స్ లో మాత్రం వీరు మంచినీళ్లు తాగొచ్చు. అలాగే కేలరీ ఫ్రీ బెవెరేజెస్ తీసుకోవచ్చు. వారు తమ ఫిజికల్ యాక్టివిటీ లెవెల్స్ లో అలాగే డైట్ లో ఎటువంటి ఛేంజెస్ చేసుకోనవసరం లేదు. ఇలా పదివారాలపాటు పార్టిసిపెంట్స్ ను అబ్జర్వ్ చేశారు. వారికి సంబంధించిన డేటాను కలెక్ట్ చేశారు. వారికి సంబంధించిన ఇన్సులిన్ రెసిస్టెన్స్, ఆక్సిడేటివ్ స్ట్రెస్, బ్లడ్ ప్రెజర్, ఎల్ డీ ఎల్ కొలెస్ట్రాల్, హెచ్ డీ ఎల్ కొలెస్ట్రాల్, ట్రైగ్లైసెరైడ్స్ ఆల్గే ఇన్ఫ్లమేటరీ మార్కర్స్ ను ట్రాక్ చేశారు. సెల్ మెటబాలిజం అనే జర్నల్‌లో పబ్లిష్ ఐన ఈ స్టడీ ప్రకారం పార్టిసిపెంట్స్ రెండు గ్రూప్స్ గా డివైడ్ అయ్యారు. వీరిద్దరూ కేలరీ ఇన్టేక్ ను దాదాపు 550 కేలరీస్ మేరకు ప్రతి రోజూ తగ్గించుకున్నారు. షెడ్యూల్ కు కట్టుబడి ఉన్నారు. వారి బాడీ వెయిట్ లో వారు దాదాపు మూడుశాతం వెయిట్ ను లూజయ్యారు.

నాలుగు గంటలు అలాగే ఆరు గంటలు డైట్ గ్రూప్స్ మధ్యలో వెయిట్ లాస్ విషయంలో పెద్దగా తేడాలేమీ లేవు. అలాగే కార్డియోమెటబాలిక్ రిస్క్ ఫ్యాక్ట్సర్స్ లో కూడా తేడాల్లేవు. ఇంకా చెప్పాలంటే, వీరిలో ఇన్సులిన్ రెసిస్టెన్స్, ఆక్సిడేటివ్ స్ట్రెస్ లెవెల్స్ లో తగ్గుదల కనిపించింది. బ్లడ్ ప్రెజర్ పై ఎటువంటి ఎఫెక్ట్ లేదు. అలాగే, ఎల్ డీ ఎల్ కొలెస్ట్రాల్, హెచ్ డీ ఎల్ కొలెస్ట్రాల్ లేదా ట్రైగ్లైసెరైడ్స్ పై కూడా ప్రభావం అంతగా లేదు. ఈ స్టడీస్ ను గమనించిన నిపుణులు ఫాస్టింగ్ డైట్స్ ను వెయిట్ లాస్ కు మంచి ఆప్షన్ గా పేర్కొంటున్నారు. కేలరీలతో సంబంధం లేకుండా వెయిట్ లాస్ కోసం వేరే డైట్ కు మారలేనివారు, డైట్ లో మార్పులతో ఇబ్బందిపడేవారికి ఈ ఫాస్టింగ్ డైట్స్ బాగా హెల్ప్ చేస్తాయని అంటున్నారు.

ఎన్ని గంటలు ఫాస్టింగ్ చేస్తే మంచిదంటే..
ఈ ఫాస్టింగ్ డైట్స్ పై మరిన్ని పరిశోధనలు జరిగితే మరింత అక్యురేట్ గా సమాచారం లభిస్తుందని ప్రస్తుతానికి ఇంత టైమ్ మటుకు ఫాస్టింగ్ డైట్ ను పాటిస్తే కచ్చితమైన ఫలితాలు పొందగలుగుతారని చెప్పలేమన్న వాదనలు కూడా వినిపిస్తున్నాయి. ప్రస్తుతానికైతే, ఈ రిజల్ట్స్ ప్రకారం ఆరుగంటల ఫాస్ట్ అనేది కొంచెం బెనిఫిషియల్ గా ఉంటుందని అంటున్నారు. అయితే, ఫాస్టింగ్ డైట్ పై అవగాహన వచ్చాక ఒక షెడ్యూల్ ప్రకారం వాటిని పాటిస్తే రిజల్ట్స్ ఉంటాయని, ఎప్పుడు పడితే అప్పుడు ఫాస్టింగ్ చేయడం వలన రిజల్ట్స్ ఉండవని నిపుణులు అంటున్నారు.

టైమ్ రెస్ట్రిక్టెడ్ ఫీడింగ్ డైట్స్ వలన కొన్ని నష్టాలు కూడా ఉంటాయన్న వాదన కూడా వినిపిస్తోంది. అసలు ఆ నష్టాలేంటో, ఇప్పుడు తెలుసుకుందాం.

అందరికీ సూట్ అవకపోవచ్చు..
ఫాస్టింగ్ అనేది మైండ్ సెట్ ను పూర్తిగా మార్చేస్తుంది. ఎప్పుడు తింటున్నాం అన్న విషయం దగ్గర నుంచి ఏం తింటున్నామన్న విషయంపై ఫోకస్ పెట్టగలుగుతాము. ఇది వెయిట్ లాస్ కు నిజంగా తోడ్పడుతుంది. ఐతే, ఇటువంటి ఫాస్టింగ్ డైట్స్ అనేవి అందరికీ సూట్ అవుతాయని చెప్పలేం. ఒక్కొక్కరి శరీర తీరు ఒక్కోలా ఉంటుంది. వెయిట్ లాస్ కోసం ఏదైనా ప్రాసెస్ ను ఫాలో అయ్యే ముందు ఆ ప్రాసెస్ అనేది సూట్ అవుతుందా లేదా తెలుసుకోవాలి. ఫాలో అయ్యేటప్పుడు ఏదైనా మీకు తేడా కనిపిస్తే మీరు ఆ ప్రాసెస్ ను విరమించుకుని ఆల్టర్నేటివ్ కోసం ప్రయత్నించడం మంచిది.

అతిగా తినడం:
ఫాస్టింగ్ పీరియడ్ తరువాత ఈటింగ్ టైంలో అప్పటి వరకు ఆకలిగా ఉన్నందువల్ల పీకల దాకా తినేయాలని అనుకుంటారు చాలామంది. దాంతో, కేలరీస్ పై కంట్రోల్ మిస్సవుతుంది. ఇది వెయిట్ లాస్ కు ఏ మాత్రం సహకరించదు. తినేటప్పుడు మైండ్ ఫుల్ ఈటింగ్ ను ప్రాక్టీస్ చేయాలి. సాధారణంగా ఎంత మోతాదులో తింటారో అదే మోతాదులో తినాలి. టైమింగ్స్ మారాయి కదా అని క్వాన్టిటీ పెంచకూడదు. కాబట్టి, టైం రెస్ట్రిక్టెడ్ ఫీడింగ్ డైట్ కు సంబంధించిన మరొక డ్రా బ్యాక్ ఇది.

స్లీప్ సైకిల్ డిస్టర్బ్ అవుతుంది:
బెడ్ టైంకు ముందు తినకపోవడం వలన స్లీప్ సైకిల్ డిస్టర్బ్ అవుతుంది. దాంతో, మరుసటి రోజు అలసట వేధిస్తుంది. అలర్ట్ నెస్ తగ్గుతుంది. మంచి నిద్ర ఆరోగ్యానికి సపోర్ట్ చేస్తుంది. నిద్రే ఆరోగ్యానికి పునాది. అదే డిస్టర్బ్ ఐతే వెయిట్ లాస్ విషయంలో ఎంత కేర్ తీసుకున్నా రిజల్ట్స్ ను పొందలేరు.

ఒత్తిడి పెరుగుతుంది:
ఫాస్టింగ్ వలన శరీరంపై ఒత్తిడి పడుతుంది. దాంతో స్ట్రెస్ హార్మోనైన కార్టిసాల్ లెవెల్స్ పెరుగుతాయి. ఆహారాన్ని తీసుకోకుండా ఎక్కువ గంటలున్నప్పుడు ఇలా జరుగుతుంది. ఒత్తిడి పెరిగేకొద్దీ శరీరంలో ఫ్యాట్ స్టోరేజ్ లెవెల్ పెరుగుతుంది. వెయిట్ లాస్ బెనిఫిట్స్ కనిపించకపోవచ్చు.

కాబట్టి, స్టడీస్ వివరించిన విషయాలను పరిగణలోకి తీసుకుంటూనే ఏదైనా ప్రయత్నించే ముందు దానికి సంబంధించిన డ్రా బ్యాక్స్ ను కూడా దృష్టిలో పెట్టుకోవాలి. ఇటువంటి డైట్స్ ను నిపుణులు పర్యవేక్షణలో పాటిస్తే నష్టాలు తగ్గే అవకాశం ఉంటుంది. మరిన్ని పరిశోధనల తరువాత టైం రెస్ట్రిక్టెడ్ ఫీడింగ్ డైట్స్ కి సంబంధించిన మరింత సమాచారాల్ని శాస్త్రవేత్తలు అందిస్తారని ఆశిద్దాం.



Source link

Leave a Reply

Your email address will not be published. Required fields are marked *