ఎయిర్‌పోర్టులకు ఓలా క్యాబ్‌లు షురూ.. కొత్త రూల్స్ ఇవే..



దేశీయ విమానాలకు ప్రభుత్వం అనుమతించిన వేళ ఎయిర్ పోర్టులకు క్యాబ్ సేవలు సైతం ప్రారంభమయ్యాయి. శంషాబాద్ అంతర్జాతీయ విమానాశ్రయం సహా దేశ వ్యాప్తంగా 21 ఎయిర్ పోర్టుల నుంచి క్యాబ్‌ల సేవలు ప్రారంభమవుతున్నట్లు ఆ సంస్థ ఓ ప్రకటన విడుదల చేసింది. కరోనా వైరస్ తీవ్రత ఇంకా ఉన్న నేపథ్యంలో వినియోగదారుడు, తమ ఉద్యోగుల సంరక్షణ కోసం తాము ఎల్లప్పుడు ప్రభుత్వం నిర్దేశించిన భద్రతా ప్రమాణాలను క్యాబ్‌లో పాటిస్తామని ఓలా సంస్థ ఆనంద్ సుబ్రహ్మణియన్ ప్రకటనలో వెల్లడించారు. సేఫ్ రైడ్ కోసం కార్లను ఓలా సంస్థ ఎప్పటికప్పుడు శానిటైజ్ చేస్తుందని, అంతేకాక డ్రైవర్ ఆరోగ్యంపై కూడా తాము ఎల్లప్పుడూ నిఘా ఉంచుతామని వివరించారు.

దేశ వ్యాప్తంగా ఢిల్లీ, ముంబయి, బెంగళూరు, అహ్మదాబాద్, అమృత్ సర్, భోపాల్, భుబనేశ్వర్, చండీగఢ్, కొయంబత్తూర్, డెహ్రాడూన్, గువహటి, ఇండోర్, జైపూర్, కొచ్చి, మధురై, మంగళూరు, పట్నా, రాయ్‌పూర్, రాంచీ, వారణాసి, విశాఖపట్నం ఎయిర్ పోర్టుల నుంచి గతంలో మాదిరిగా క్యాబ్ సర్వీసులు అందుబాటులో ఉంటాయని తెలిపారు. అంతేకాక, ప్రభుత్వ నిబంధనల ప్రకారం.. దేశంలోని 175 నగరాల్లో ఓలా సేవలు పున:ప్రారంభమయ్యాయని తెలిపారు.

కరోనా వైరస్ నుంచి పూర్తి రక్షణ పొందేందుకు ఓలా సంస్థ డ్రైవర్లకు, వినియోగదారులకు స్పష్టమైన నిబంధనలు విధించింది. వాహనం లోపల ఎప్పటికప్పుడూ హైజీన్‌గా ఉండేలా చర్యలు తీసుకుంటున్నట్లుగా ప్రకటనలో వివరించారు. వినియోగదారులు పాటించాల్సిన నిబంధనలివీ..
* ప్రతి వినియోగదారుడు కచ్చితంగా మాస్క్ ధరించాలి. ప్రయాణానికి ముందు చేతులను శానిటైజ్ చేసుకోవాలి.
* ఏసీని ఆఫ్‌లో ఉంచేందుకు సహకరించాలి. గాలి కదలిక బాగా ఉండేలా కిటికీ అద్దాలను తెరిచి ఉంచుతారు.
* డ్రైవర్ కాకుండా ప్రతి రైడ్‌కు ఇద్దరికి మాత్రమే అనుమతి ఉంటుంది.
* డ్రైవర్‌తో సామాజిక దూరం పాటిస్తూ లగేజీని ప్రయాణికులు ఎవరికి వారే కారులో ఉంచడం లేదా తీయడం చేయాలి.
* నగదు చెల్లింపులు కాకుండా డిజిటల్ విధానం ద్వారా మాత్రమే డబ్బు చెల్లించాలి.

Must Read:



Source link

Leave a Reply

Your email address will not be published. Required fields are marked *