ఏనుగు మృతిపై దేశం కంటతడి.. హంతకులను పట్టిస్తే రూ.2 లక్షలు, హైదరాబాద్ వ్యక్తి ప్రకటన



కేరళలో గర్భంతో ఉన్న ఏనుగుకు ఆహారం ఆశజూపి, పైనాపిల్‌లో పేలుడు పదార్థాలు పెట్టి దాని మరణానికి కారణమైన వారిపై దేశవ్యాప్తంగా ఆగ్రహజ్వాలలు పెల్లుబుకుతున్నాయి. ఆ మృగాళ్లను అరెస్టు చేసి కఠిన చర్యలు తీసుకోవాలని జంతు ప్రేమికులు డిమాండ్ చేస్తున్నారు. హైదరాబాద్‌లోని నేరెడ్‌మెట్ ప్రాంతానికి చెందిన బీటీ శ్రీనివాసన్ మరో అడుగు ముందుకేసి కీలక ప్రకటన చేశారు. ఆ ఏనుగును చంపిన వారిని పట్టిస్తే రూ.2 లక్షలు ఇస్తానని సోషల్ మీడియా వేదికగా ప్రకటించారు. నెటిజన్ల నుంచి దీనికి అనూహ్య స్పందన వస్తోంది. ఏనుగు చావుకు కారణమైన వారిని అరెస్టు చేసి శిక్ష పడేలా చేయాలంటూ సోషల్ మీడియా వేదికగా ఉద్యమమే నడుస్తోంది. #Istandwithmalappuram హ్యాష్ ట్యాగ్‌తో ఈ ఘటనపై ట్విటర్‌లో పోస్టులు చేస్తున్నారు. ఈ హ్యాష్ ట్యాగ్ టాప్ ట్రెండింగ్‌లో ఉంది.



Source link

Leave a Reply

Your email address will not be published. Required fields are marked *