ఐపీఎల్ నిర్వ‌హ‌ణ‌పై హ‌ర్భ‌జ‌న్ ఆస‌క్తిక‌ర వ్యాఖ్య‌లు



క‌రోనా వైర‌స్ విస్త‌ర‌ణ కారణంగా ప్ర‌పంచ‌వ్యాప్తంగా క్రీడా కార్య‌క‌లాపాలు వాయిదా ప‌డిన సంగ‌తి తెలిసిందే. ప్ర‌తిష్టాత్మ‌క ఒలింపిక్స్‌తోపాటు ఇండియ‌న్ ప్రీమియ‌ర్ లీగ్ (ఐపీఎల్‌) నిర‌వ‌ధికంగా వాయిదా ప‌డిన సంగ‌తి తెలిసిందే. గ‌త 12 ఏళ్ల నుంచి నిరాటంకంగా జ‌రుగుతున్న ఐపీఎల్‌.. ఈ ఏడాది మాత్రం రద్దయ్యే అవ‌కాశ‌ముందని భార‌త ఆఫ్ స్పిన్న‌ర్ హ‌ర్భ‌జ‌న్ సింగ్ అంచ‌నా వేశాడు. ప్ర‌స్తుత ప‌రిస్థితుల్లో క్రికెట్ గురించి ఆలోచించే ప‌రిస్థితి లేద‌ని ఈ సంద‌ర్భంగా వ్యాఖ్యానించాడు.

Must Read:
మ‌రోవైపు ఐపీఎల్ జ‌ర‌గ‌క‌పోవ‌డానికి గ‌ల కార‌ణాల‌ను భ‌జ్జీ విశ్లేషించాడు. రాబోయే కాలంలో విదేశీ ప్ర‌యాణాలపై చాలా దేశాలు ఆంక్ష‌లు విధించ‌నున్నాయ‌ని పేర్కొన్నాడు. ఈ నేప‌థ్యంలో విదేశీ ఆట‌గాళ్ల ల‌భ్య‌త గ‌ణనీయంగా త‌గ్గిపోతుంద‌ని తెలిపాడు. లీగ్ గురించి భార‌త ప్ర‌భుత్వం, బీసీసీఐ ఎలాంటి నిర్ణ‌యాలు తీసుకుంటుందో త‌న‌కు అర్ధం కావ‌డం లేద‌ని అభిప్రాయ‌ప‌డ్డాడు.

Must Read:
ఐపీఎల్ ఫ్రాంచైజీ చెన్నై సూపర్ కింగ్స్ తరపున ఆడుతున్న సంగతి తెలిసిందే. టోర్నీ ప్రారంభ‌మైన 13 ఏళ్ల‌తో తొలిసారి లీగ్ జ‌ర‌గ‌క‌పోయినా ఫ‌ర్లేద‌ని భ‌జ్జీ తెలిపాడు. కరోనా లాంటి క్లిష్ట ప‌రిస్థితుల్లో లీగ్ జ‌ర‌గ‌డం గురించి ఆలోచించ‌డం లేద‌ని తెలిపాడు. క్రికెట్ కంటే కూడా మనుషుల ప్రాణాలే ముఖ్య‌మ‌ని వ్యాఖ్యానించాడు. మ‌రోవైపు ఐపీఎల్ ట్రైనింగ్ క్యాంపు ప్రారంభించిన‌ప్పుడు వంద‌లాది మంది త‌మ‌ను చూసేందుకు వ‌చ్చార‌ని, క‌రోనా కార‌ణంగా కొద్దికాలానికే పరిస్థితి త‌ల‌కిందులైంద‌ని పేర్కొన్నాడు. మ‌రోవైపు ఐపీఎల్‌ను ఖాళీ స్టేడియంలో నిర్వ‌హించాల‌ని గ‌తంలో భ‌జ్జీ సూచించిన సంగ‌తి తెలిసిందే.



Source link

Leave a Reply

Your email address will not be published. Required fields are marked *