కటింగ్ చేసుకోవాలంటే ఆధార్ తప్పనిసరి



రైల్లో ప్రయాణించాలన్నా, ప్రభుత్వ పథకాల నుంచి లబ్ధి పొందాలన్నా, మొబైల్ సిమ్ కార్డు కావాలన్నా తప్పనిసరి అన్న విషయం తెలిసిందే. ఇకపై కటింగ్ చేసుకోవాలన్నా ఆధార్ కావాల్సిందే. ప్రభుత్వం ఈ నిర్ణయం తీసుకుంది. రాష్ట్రంలో కరోనా కేసులు అంతకంతకూ పెరుగుతుండటం.. మరీ ముఖ్యంగా కొన్ని సెలూన్ షాపుల నుంచి కూడా వైరస్ వ్యాప్తి చెందుతున్న నేపథ్యంలో ఈ ఆదేశాలు జారీ చేసింది.

రాష్ట్రంలో లాక్‌డౌన్‌ను జూన్ 30 వరకు పొడిగించిన తమిళనాడు ప్రభుత్వం పలు సడలింపులు ఇచ్చింది. ఈ క్రమంలో సుమారు రెండు నెలల తర్వాత వివిధ దుకాణాలు తెరుచుకున్నాయి. ఇందులో భాగంగా సెలూన్‌ (కటింగ్‌) షాపులు, బ్యూటీ పార్లర్లు కూడా పున:ప్రారంభమయ్యాయి. అయితే.. ప్రభుత్వం వీటికి కొన్ని నిబంధనలను తప్పనిసరి చేసింది. ఇకపై సెలూన్లకు వచ్చే వారికి ఆధార్‌ కార్డు తప్పనిసరి చేసింది.

సెలూన్‌కు వచ్చే కస్టమర్ల వివరాలను సేకరించాలని ప్రభుత్వం ఆదేశించింది. కస్టమర్ పేరు, అడ్రస్, ఫోన్ నంబర్‌తో పాటు ఆధార్ కార్డును తనిఖీ చేసి ఆధార్ నంబర్ రాసుకోవాలని సూచించింది. ఇందుకోసం ప్రత్యేకంగా రిజిస్టర్లు ఏర్పాటు చేసుకోవాలని తెలిపింది. ప్రభుత్వ ఆదేశాలను పాటించిన సెలూన్ షాపులపై కఠిన చర్యలు తీసుకుంటామని ఉత్తర్వుల్లో పేర్కొన్నారు.

చెన్నైలో హెయిర్‌కట్‌‌ చేయించుకోవాలి అనుకునే వారు ముందుగానే అపాయింట్‌మెంట్ తీసుకోవాలని అధికారులు సూచించారు. మాస్క్‌తో పాటు ఆధార్‌ కార్డు జిరాక్స్‌ వెంట తెచ్చుకోవాలని అధికారులు తెలిపారు. 50 శాతం ఉద్యోగులతోనే షాప్ నిర్వహించాలని ఆదేశించారు. కస్టమర్లు రాగానే ముందుగా వారి చేతులను శానిటైజ్ చేయాలని సూచించారు.

ప్రభుత్వం నిర్దేశించిన చర్యలతో సెలూన్ల ద్వారా ఎవరికైనా వైరస్‌ వ్యాప్తి చెందితే ఆ షాపునకు వచ్చిన వారిని గుర్తించడం సులువవుతుందని అధికారులు వివరించారు. ఆధార్‌ వివరాల ద్వారా బాధితులను వెంటనే గుర్తించి.. వైరస్‌ వ్యాప్తిని అరికట్టవచ్చని తెలిపారు.

తమిళనాడులో కరోనా వైరస్ కేసుల సంఖ్య అంతకంతకూ పెరుగుతున్నాయి. రాష్ట్రవ్యాప్తంగా ఇప్పటివరకు 23 వేలకు పైగా కరోనా పాజిటివ్‌ కేసులు నమోదయ్యాయి. దేశంలో మహారాష్ట్ర తర్వాత తమిళనాడులోనే కేసులు ఎక్కువగా ఉన్నాయి. కరోనా మహమ్మారి కట్టడికి ప్రభుత్వం ఎన్ని చర్యలు తీసుకున్నా కేసుల సంఖ్య మాత్రం అదుపులోకి రావడంలో లేదు. ఈ క్రమంలోనే కంటైన్‌మెంట్‌ జోన్లలో లాక్‌డౌన్‌ను జూన్‌ 30 వరకు పొడిగిస్తూ ప్రభుత్వం నిర్ణయం తీసుకుంది.

Also Read:

Watch:



Source link

Leave a Reply

Your email address will not be published. Required fields are marked *