కరోనాపై పోరుకు ఉగ్రవాదులను గుర్తించే టెక్నాలజీ సాయం తీసుకుంటున్న పాక్!



ఉగ్రవాదులను గుర్తించడానికి పాకిస్థాన్ ఇంటెలిజెన్స్ ఉపయోగించే రహస్య సాంకేతిక నిఘా పరిజ్ఞానాన్ని కరోనా బాధితులను, వారితో కాంటాక్ట్ అయిన వ్యక్తులను గుర్తించేందుకు పాక్ ప్రభుత్వం వినియోగిస్తోంది. ఈ మేరకు ఓ కార్యక్రమంలో ప్రధాన మంత్రి బహిరంగంగా ప్రకటించారు. వైరస్‌ను ఎదుర్కోవడంలో సహాయం కోసం ప్రభుత్వం శక్తివంతమైన ఇంటర్ సర్వీసెస్ ఇంటెలిజెన్స్ ఏజెన్సీ (ఐఎస్ఐ) ను ఆశ్రయించినట్టు తెలిపారు. పాకిస్థాన్ అంతటా వైరస్ వేగంగా వ్యాప్తి చెందుతున్న వేళ ఇమ్రాన్ ఈ నిర్ణయం తీసుకున్నారు.

అయితే, దీనికి సంబంధించిన వివరాలను మాత్రం వెల్లడించలేదు. కానీ, ఐఎస్ఐకి చెందిన ఇద్దరు అధికారులు ఏఎఫ్‌పీతో మాట్లాడుతూ.. ఇంటెలిజెన్స్ వర్గాలు జియో-ఫెన్సింగ్, ఫోన్-పర్యవేక్షణ వ్యవస్థలను ఉపయోగిస్తున్నాయి.. ఇవి సాధారణంగా స్వదేశీ, విదేశీ ఉగ్రవాదులు సహా కీలక లక్ష్యాలను చేరుకోడానికి వినియోగిస్తారని తెలిపారు. గురించి కనీస అవగాహన లేకపోవడం.. లక్షణాలున్నా కొందరు చికిత్స తీసుకోకపోవడం, హాస్పిటల్స్ నుంచి పారిపోవడం, మరి కొందరు స్వీయ నిర్బంధ ఆంక్షలను ఉల్లంఘించడంతో భారీగా కేసులు నమోదవుతున్నాయి.

కరోనావైరస్ కేసులను గుర్తించడానికి సాంకేతిక పరిజ్ఞానాన్ని ఉపయోగించి ఏజెన్సీలు ఇప్పుడు చాలా సమర్థవంతంగా పనిచేస్తున్నాయని పేరును వెల్లడించడానికి ఇష్టపడని ఓ సీనియర్ భద్రతా అధికారి పేర్కొన్నారు. కోవిడ్-19 పాజిటివ్ వచ్చినా దాచిపెడుతున్నవారిని కూడా ప్రభుత్వం విజయవంతంగా గుర్తించగలుగుతోందని అన్నారు.

జియో ఫెన్సింగ్ ఆధారంగా వ్యక్తులు ఎక్కడున్నారో ఖచ్చితంగా తెలుసుకోవచ్చు.. లాక్‌డౌన్ వేళ పొరుగు ప్రాంతాలను పర్యవేక్షించడానికి తోడ్పాటునందజేస్తుంది. కోవిడ్-19 బాధితుల ఫోన్‌ సంభాషణలను వింటూ అధికారులు పర్యవేక్షిస్తున్నారు. ‘ట్రేస్ అండ్ ట్రాక్ సిస్టమ్ ప్రాథమికంగా కరోనా రోగుల మొబైల్స్‌ను ట్రాక్ చేయడానికి సహాయపడుతుంది. పరారీకి ముందే వారు ఎవరితోనైనా సంప్రదించారా’అనేది తెలుసుకోవచ్చని ఇంటెలిజెన్స్ అధికారి ఒకరు తెలిపారు.

ఈ వ్యవస్థ మొదట ఉగ్రవాదానికి వ్యతిరేకంగా ఉపయోగించాం.., కానీ ప్రస్తుతం కరోనావైరస్‌కు వ్యతిరేకంగా జరుగుతోన్న పోరాటానికి ఉపయోగపడుతుంది అని ఆయన చెప్పారు. ప్రస్తుతం పాకిస్థాన్‌లో కరోనా వైరస్ పాజిటివ్ కేసుల సంఖ్య 60వేలు దాటగా.. ఇప్పటి వరకూ 1,000 మంది ప్రాణాలు కోల్పోయారు. అయినా, టెస్టింగ్ సంఖ్య తక్కువగా ఉండటంతో అధికారులు ఆందోళన చెందుతున్నారు.



Source link

Leave a Reply

Your email address will not be published. Required fields are marked *