కరోనా వైరస్‌తో పాకిస్థాన్‌లో రెండో క్రికెటర్ మృతి



కారణంగా పాకిస్థాన్‌లో మరో క్రికెటర్ మృతి చెందాడు. 1987 నుంచి 2005 వరకూ పాకిస్థాన్‌లో ఫస్ట్‌ క్లాస్ మ్యాచ్‌లాడిన రియాజ్ షేక్ (51).. కరోనా వైరస్‌ కారణంగా మృతి చెందినట్లు పాకిస్థాన్ మాజీ కెప్టెన్ రషీద్ లతీఫ్ అధికారికంగా ప్రకటించాడు. దాదాపు దశాబ్దన్నర పాటు క్రికెట్‌లో కొనసాగిన రియాజ్.. 43 ఫస్ట్ క్లాస్, 25 లిస్ట్-ఎ మ్యాచ్‌లాడాడు.

ఈ ఏడాది ఏప్రిల్‌లో పాకిస్థాన్‌కే చెందిన మాజీ క్రికెటర్ జాఫర్ సర్ఫరాజ్ (50) కరోనా వైరస్ సోకడంతో మృతి చెందాడు. దాంతో.. కోవిడ్-19 కారణంగా చనిపోయిన రెండో పాక్ క్రికెటర్‌గా రియాజ్ నిలిచాడు. ఫస్ట్ క్లాస్ క్రికెట్‌లో తన లెగ్‌ స్పిన్‌తో మాయచేసిన రియాజ్.. ఆడిన 43 మ్యాచ్‌ల్లోనే 116 వికెట్లు పడగొట్టాడు. ఇందులో నాలుగు సార్లు ఐదు వికెట్లు, రెండు సార్లు పది వికెట్ల ఘనతని అతను అందుకున్నాడు.

పాకిస్థాన్‌లో మంగళవారం సాయంత్రానికి కరోనా వైరస్ కేసుల సంఖ్య 76,398కి చేరుకోగా.. 1,621 మంది చనిపోయారు. దాంతో.. క్రికెట్ సిరీస్‌లన్నీ రద్దవగా.. ఈ ఏడాది ఆగస్టులో ఇంగ్లాండ్ పర్యటనకి పాకిస్థాన్ జట్టు వెళ్లబోతోంది. అక్కడికి వెళ్లిన తర్వాత 14 రోజులు క్వారంటైన్‌లో ఉండేందుకు పాక్ టీమ్ అంగీకరించింది.



Source link

Leave a Reply

Your email address will not be published. Required fields are marked *