కూల్ డ్రింక్స్‌తో ఆయుష్సు తగ్గుతుందా? ఈ 6 రకాల ముప్పులు తెలిస్తే ఈ రోజే వదిలేస్తారు!



కొంతమంది మంచి నీళ్ల కంటే కూల్ డ్రింక్సే ఎక్కువగా తాగుతుంటారు. కూల్ కూల్‌గా గొంతులోకి వెళ్తుంటే.. ఆ మాజాయే వేరంటూ గుటకలేస్తారు. అయితే, ఆ అలవాటు.. ఆరోగ్యానికి చేటనే సంగతి మీకు తెలుసా? ఇప్పటికే మనిషి సగటు ఆయష్షు సగానికి పడిపోయింది. మన పూర్వికులు చక్కని ఆహారం, పానీయాలతో వందేళ్ల వరకు జీవించేవారు. ఇప్పుడు 30 ఏళ్లకే మంచాన్న పడుతున్నారు. గుండె సమస్యలు, డయాబెటీస్, శ్వాసకోస సంబంధ వ్యాధులు వెంటాడుతున్నాయి. ఈ పాపంలో లేదా కూల్ డ్రింక్స్‌కు కూడా వాటా ఉంది. ఇటీవల జరిపిన ఇటీవలి పరిశోధనల్లో.. శీతల పానీయాలను ఎక్కువగా తాగేవారు త్వరగా చనిపోతారని తెలిసింది.

శీతల పానీయాలు ఎందుకంత డేంజర్?: తీపి లేని శీతల పానీయాలంటూ ఏవీ ఉండవు. వాటి రుచి కోసం అధిక చక్కెరను వినియోగిస్తారు. అది శరీర అవయవాలను నాశనం చేస్తుంది. ఫ్రాన్స్‌లోని ‘ఇంటర్నేషనల్ ఏజెన్సీ ఫర్ రీసెర్చ్ ఆన్ క్యాన్సర్’ నిర్వహించిన స్టడీకి నేతృత్వం వహించిన పరిశోధకుడు నీల్ మర్ఫీ తెలిపిన వివరాల ప్రకారం.. శీతల పానీయులు మరణంతో ముడిపడి ఉన్నాయని స్పష్టం చేశారు. సోడా ఆధారిత పానీయాల్లో అధిక మొత్తంలో కృత్రిమ చక్కెరను ఉపయోగించడమే ఇందుకు కారణమని తెలిపారు.

పరిశోధనలో ఏం తెలిందంటే…: ఈ అధ్యయనానికి సంబంధించిన పూర్తి వివరాలు.. ‘జామా ఇంటర్నల్ మెడిసిన్ జర్నల్‌’లో ప్రచురించారు. గత కొన్నేళ్లుగా 10 యూరోపియన్ దేశాల్లో 452,000 మంది పురుషులు, మహిళలపై ఈ పరిశోధనలు సాగించారు. రోజుకు రెండు లేదా అంతకంటే ఎక్కువ గ్లాసుల శీతల పానీయాలు తాగడం వల్ల ఆరోగ్యం ప్రమాదంలో పడుతుందని తెలసుకున్నారు. 16 ఏళ్ళ సుదీర్ఘ పరిశోధనలో కొన్ని కీలక విషయాలు తెలుసుకున్నారు.

ఎవరెవరు ఏయే కారణాలతో చనిపోయారంటే..: అధ్యయనంలో పేర్కొన్న వివరాల ప్రకారం.. 43 శాతం మంది క్యాన్సర్ల వల్ల, 21.8 శాతం రక్త ప్రసరణ సమస్యల వల్ల, 2.9 శాతం జీర్ణ సంబంధిత వ్యాధుల వల్ల మరణించారు. శీతల పానీయాలు తాగడం ఎంత ప్రమోదమో చెప్పడానికి అధ్యయనమే నిదర్శనం. శీతల పానీయాలు వల్ల కలిగే ఈ 6 ప్రమాదకర కారణాలు గురించి తెలుసుకుని అప్రమత్తంగా ఉండండి.

డయాబెటీస్‌కు దారితీస్తుంది: శీతల పానీయాలు తాగేందుకు బాగానే ఉంటుంది. కానీ, అది స్లోపాయిజన్‌లో శరీరంలోకి చేరి వ్యాధులతో చంపేస్తుంది. శీతల పానీయాలు అతిగా తాగడం వల్ల ప్రధానం ఏర్పడే సమస్య ‘డయాబెటీస్ (మధుమేహం)’. శీతల పానీయాల్లో ఉండే అధిక కేలరీలు మధుమేహానికి దారి తీస్తాయి. శరీరంలో చక్కెర స్థాయిలు విపరీతంగా పెరిగిపోతాయి. అవి క్రమేనా టైప్-2 డయాబెటీస్‌గా మారి జీవితాన్ని దుర్భరంగా మార్చేస్తాయి.

దంతాలు పాడైపోతాయి: కూల్ డ్రింక్స్ అంతర్గత అవయవాలకే కాదు. దంతాలకు కూడా ప్రమాదకరమే. శీతల పానీయాల్లోని సోడాలో ఫాస్పోరిక్, కార్బోనిక్ ఆమ్లాలు ఉంటాయి. అవి నోటిలో ఆమ్ల స్థాయిని పెంచుతాయి. ఫలితంగా దంత క్షయం ఏర్పడుతుంది. అంతేగాక, శీతల పానీయాల్లో ఉండే అధిక చక్కెర సైతం దంతాలను నానశం చేస్తాయి. నోటిలో చెడు బ్యాక్టీరియా వృద్ధికి దారితీస్తుంది.

గుండె జబ్బులకు దారితీస్తుంది: శీతల పానీయాల్లో ఉండే కృత్రిమ చక్కెర, సోడా వల్ల గుండె జబ్బులు ఏర్పడవచ్చు. శరీరంలోకి చేరే అధిక చక్కెర వల్ల రక్త ట్రైగ్లిజరైడ్స్, దట్టమైన ఎల్‌డీఎల్ కణాలు దెబ్బతింటాయి. ఈ విషయాన్ని కొన్ని అధ్యయనాలు సైతం స్పష్టం చేశాయి. ఇప్పటికే మీరు డయాబెటీస్ లేదా గుండె సంబంధిత సమస్యలతో బాధపడుతున్నట్లయితే.. శీతల పానీయాలకు దూరంగా ఉండటమే ఉత్తమం.

క్యాన్సర్ ముప్పు తప్పదు: శీతల పానీయాల వల్ల కలిగే మరింత భయానకమైన ముప్పు.. ‘క్యాన్సర్’. సోడా ఆధారిత శీతల పానీయాలు ఎప్పటికీ మంచిది కాదని పరిశోధకులు ఇప్పటికే స్పష్టం చేశారు. ఎరేటెడ్ డ్రింక్స్, షుగర్ కంటెంట్ గల శీతల పానీయాలు వల్ల క్యాన్సర్‌కు దారితీయొచ్చని పేర్కొన్నారు. సోడా ఆధారిత పానీయం వల్ల ప్యాంక్రియాటిక్ క్యాన్సర్‌ ఏర్పడుతుందని తెలిపారు. అలాగే చక్కెర ఆధారిత పానీయాల వల్ల మహిళల్లో రుతుక్రమం ఆగిపోయి.. ఎండోమెట్రియల్ క్యాన్సర్‌ ఏర్పడవచ్చని వెల్లడించారు.

Read Also:

బరువు పెరిగిపోతారు: శీతల పానీయాలలో చక్కెర స్థాయి అధికంగా ఉండటం వల్ల శరీరంలో కొవ్వు కణాల ద్వారా ఉత్పత్తి అయ్యే లెప్టిన్ హార్మోన్ స్థాయి పెరుగుతుంది. ఇది మీరు తినే ఆహారాన్ని జీర్ణం చేసే కేలరీల సంఖ్యను నియంత్రిస్తుంది. శరీరంలో ఈ హార్మోన్ నిరోధకత.. శరీర కొవ్వుల నిరోధకతపై ప్రభావం చూపుతుంది. పైగా, శీతల పానీయాల్లో ఉండే అధిక కేలరీల వల్ల బరువు పెరుగుతారు.

Read also:

చిత్తవైకల్యం ఏర్పడవచ్చు: శీతల పానీయాలను అతి తాగితే చిత్తవైకల్యం ఏర్పడే ప్రమాదం కూడా పెరుగుతుంది. తియ్యటి పానీయాలు శరీరంలో చక్కెర స్థాయిని తక్షణమే తీవ్రతరం చేస్తాయి. ఈ సమస్య చిత్తవైకల్యానికి దారి తీయొచ్చు. మెదడును మొద్దుబారేలా చేయడమే కాకుండా.. అల్జీమర్స్ వ్యాధికి గురిచేస్తుంది.

గమనిక: పై వివరాలను వివిధ అధ్యయనాల ఆధారంగా అందించాం. ఈ కథనం కేవలం మీకు అవగాహన కల్పించి, అప్రమత్తం చేయడానికేనని గమనించగలరు.



Source link

Leave a Reply

Your email address will not be published. Required fields are marked *