కోతులపై ప్రయోగాల్లో ఆక్స్‌ఫర్డ్ వ్యాక్సిన్ విఫలం.. కరోనాకు వ్యాక్సిన్ డౌటేనా?



ఆక్స్‌ఫర్ యూనివర్సిటీ రూపొందిస్తోన్న కరోనావైరస్ వ్యాక్సిన్ కోతులపై చేపట్టిన ప్రయోగాల్లో విఫలమైంది. కోతుల్లో ఈ వ్యాక్సిన్ న్యుమోనియాను మాత్రం అడ్డుకుంది. ఈ వ్యాక్సిన్ పాక్షికంగా ప్రభావం చూపుతుందని భావిస్తున్నారు. దీంతో మనుషులపై ఈ వ్యాక్సిన్ ఎంత మేర పని చేస్తుందనే విషయమై అనుమానాలు తలెత్తుతున్నాయి. కరోనా వ్యాక్సిన్ ప్రయోగాల్లో ఆక్స్‌ఫర్డ్ యూనివర్సిటీ ChAdOx1 nCoV-19 పేరిట వ్యాక్సిన్‌ను రూపొందించింది.

ప్రస్తుతం ఈ వ్యాక్సిన్‌ను బ్రిటన్లో మనుషులపై ప్రయోగిస్తున్నారు. మనుషుల్లోనూ ఇదే తరహా ఫలితం వస్తే.. ఈ వ్యాక్సిన్ వల్ల పాక్షిక రక్షణ మాత్రమే లభిస్తుంది. ఆక్స్‌ఫర్డ్ యూనివర్సిటీ, ఫార్మా కంపెనీ అస్ట్రజెనెకా మధ్య బ్రిటన్ ప్రభుత్వం ఒప్పందం కుదిర్చింది. దీని ప్రకారం వ్యాక్సిన్ ప్రయోగాలు విజయవంతమైతే… 30 మిలియన్ల డోసులను అస్ట్రజెనెకా ఉత్పత్తి చేస్తుంది. ఈ పరిశోధన కోసం 47 మిలియన్ పౌండ్లను వెచ్చిస్తున్నారు.

వ్యాక్సిన్ ఇచ్చిన కోతులకు, వ్యాక్సిన్ ఇవ్వని కోతులకు మధ్య వైరల్ ఆర్ఎన్‌ఏలో ఎలాంటి తేడా లేదని హార్వర్డ్ మెడికల్ స్కూల్‌‌లో ప్రొఫెసర్‌గా పని చేసిన డాక్టర్ విలియం హసెల్‌టైన్ తెలిపారు.



Source link

Leave a Reply

Your email address will not be published. Required fields are marked *