టైమ్స్ మీడియా స్కూల్ ఆధ్వర్యంలో కరోనాపై ఆన్‌లైన్ కాన్ఫరెన్స్.. దేశంలోనే తొలిసారి



దేశంలో మహమ్మారి శరవేగంగా విస్తరిస్తుండగా.. దీనిపై టైమ్స్ ఆఫ్ ఇండియాాకు చెందిన స్కూల్ ఆఫ్ మీడియా ఒక్క రోజు ఆన్‌లైన్ కాన్ఫరెన్స్ ఏప్రిల్ 9న నిర్వహిస్తోంది. మహమ్మారికి వ్యతిరేకంగా జరుగుతున్న పోరాటంలో తమ అనుభవాలను చర్చించడానికి మీడియా, వైద్య, పబ్లిక్ పాలసీ, టెక్నాలజీ విభాగాల్లోని ప్రముఖ నిపుణులు ఇందులో పాల్గొననున్నారు. ఇలా కరోనా వైరస్ గురించి చర్చా కార్యక్రమాన్ని ఓ ఇండియన్ యూనివర్సిటీ నిర్వహించడం దేశంలో ఇదే తొలిసారి. ‘గ్లోబల్ ఆన్‌లైన్ కాన్ఫరెన్స్ ఆన్ కోవిడ్-19; సంక్షోభం, భవిష్యత్తు’ పేరుతో నిర్వహించే ఈ కార్యక్రమంలో మహమ్మారిని ఎలా ఎదుర్కోవాలి, తీసుకోవాల్సిన జాగ్రత్తల గురించి పలు రంగాలకు చెందిన నిపుణులు వివరించనున్నారు.

ఏప్రిల్ 9 సాయంత్రం 4 గంటల నుంచి రాత్రి 9.30 వరకు జరిగే ఈ కాన్ఫరెన్స్‌ను ఆరు సెషన్‌లుగా విభజించి, మూడు థీమ్స్ గురించి చర్చిస్తారు. ఈ కార్యక్రమాన్ని కేంద్ర ఆరోగ్య శాఖ మంత్రి డాక్టర్ హర్షవర్దన్ ప్రారంభించి, కీలక ఉపన్యాసం చేయనున్నారు.

థీమ్-1 (4.30 నుంచి 5.30): ఆర్థిక సంక్షోభం అధిగమించి ముందుకు సాగడం ఎలా?; అనే అంశం గురించి కేంద్ర ప్రభుత్వ మాజీ ఆర్ధిక సలహాదారు, ఐఎంఎఫ్ మాజీ ఎగ్జిక్యూటివ్ డైరెక్టర్ డాక్టర్ అరవింద్ వీర్‌మణి, కేంద్ర ఆర్ధిక శాఖ మాజీ కార్యదర్శి సుభాష్ చంద్ర గార్గ్, ప్రధాని ఆర్ధిక సలహా మండలిలో మాజీ సభ్యుడు ప్రొఫెసర్ షమీక రవి ప్రసంగిస్తారు.

థీమ్- 2 (5.40 నుంచి 6.40): కరోనా వైరస్ నియంత్రణకు వివిధ దేశాలు చేపట్టిన చర్యలు గురించి ఓపీ జిందాల్ గ్లోబల్ యూనివర్సిటీ ఇండియా-చైనా స్టడీస్ డైరెక్టర్ ప్రొఫెసర్ వెంజూన్ జంగ్ వివరించనున్నారు. ముఖ్యంగా కోవిడ్-19 విషయంలో చైనా ఎలాంటి చర్యలను తీసుకుంది, దాని ఫలితాలను వెల్లడిస్తారు. అలాగే ఇటలీలోని యూనివర్సిటీ ఆఫ్ బోలోగ్నా ప్రొఫెసర్ డాక్టర్ బీయట్రిస్ గెలిలీ తమ దేశంలో అనుభవాలను పంచుకోనున్నారు.

సెషన్- 2: అమెరికాలో ప్రస్తుతం కరోనా వైరస్ తీవ్రత, దాని పర్యవసానాల గురించి హార్వర్డ్ గ్లోబల్ హెల్త్ ఇన్‌స్టిట్యూట్ స్కూల్ ఆఫ్ మెడిసిన్ డైరెక్టర్, ప్రవాసీ భారతీయుడు ప్రొఫెసర్ అషిష్ కుమార్ ఝా, జాన్ హాప్‌కిన్స్ వర్సిటీలో విధులు నిర్వర్తిస్తోన్న ఆయుష్మాన్ భారత్ మాజీ డిప్యూటీ సీఈఓ, కేరళ ఆరోగ్య శాఖ మాజీ కార్యదర్శి డాక్టర్ దినేశ్ అరోరా, నారాయణ హాస్పిటటల్స్ ఛైర్మన్ డాక్టర్ దేవీ శెట్టి తెలియజేస్తారు.

థీమ్-3 (6.50 నుంచి 7.50): కరోనా వైరస్ గురించి తప్పుడు ప్రచారం.. కుట్రపూరిత విధానాలను ఎలా అరికట్టాలి అనే అంశం గురించి బెర్లిన్‌కు చెందిన ఓఎస్ఐఎన్‌టీ నిపుణుడు ఎగోన్ స్వీనే, రాయిటర్స్ ఇన్‌స్టిట్యూట్ ఫర్ స్టడీ ఆఫ్ జర్నలిజమ్ డైరెక్టర్ ప్రొఫెసర్ రాస్‌ముస్ కెల్సై నీల్సన్, స్వీడన్ అల్ట్ న్యూస్ సైన్స్ అండ్ న్యూరోసైంటిస్ట్ ఎడిటర్ డాక్టర్ సుమాయా షైక్, గూగుల్ న్యూస్ ల్యాబ్ లీడర్ ఏపీఎసీ-సింగ్‌పూర్ విభాగం ప్రతినిధి ఇరేనా జాయ్ ల్యూ వివరిస్తారు.

ఈ కార్యక్రమంలో నీతి-ఆయోగ్ ఉపాధ్యాక్షుడు డాక్టర్ రాజీవ్ కుమార్ ముగింపు ఉపన్యాసం చేస్తారు. ఈ కాన్ఫెరెన్స్‌లో దేశవ్యాప్తంగా వివిధ నగరాలకు చెందిన జర్నలిస్ట్‌లు, విద్యావేత్తలు, మీడియా విద్యార్థులు పాల్గొంటారు.



Source link

Leave a Reply

Your email address will not be published. Required fields are marked *