ఢిల్లీలో మళ్లీ భూకంపం.. ఈసారి మరింత తీవ్రత, ఏదో జరుగుతోంది!



దేశ రాజధాని ఢిల్లీని మరోసారి భూకంపం వణికించింది. శుక్రవారం (మే 29) రాత్రి 9.08 గంటల సమయంలో ఢిల్లీ సహా గుర్గావ్, నోయిడా, హర్యాణాలోని పలు ప్రాంతాల్లో భూమి కంపించగా.. గంట వ్యవధిలో మరోసారి భూ ప్రకంపనలు వచ్చాయి. నేషనల్ సెంటర్ ఫర్ సిస్మోలజీ ప్రకారం.. తొలుత వచ్చిన భూకంపం రిక్టార్ స్కేలుపై భూకంప తీవ్రత 4.6గా నమోదైంది. భూ ప్రకంపనలతో ఢిల్లీలోని పలు ప్రాంతాల్లో ప్రజలు ఆందోళనకు గురయ్యారు. భయంతో ఇళ్లలోంచి పరుగులు తీశారు. రాత్రి 10 గంటల సమయంలో రెండోసారి వచ్చిన భూకంప తీవ్రత రిక్టర్ స్కేలుపై 2.9గా నమోదైంది.

ఢిల్లీకి వాయవ్య దిశలో 49 కి.మీ. దూరంలో హర్యాణాలోని వద్ద 5 కి.మీ. లోతులో భూకంప కేంద్రం ఉన్నట్లు గుర్తించారు. నెల రోజుల వ్యవధిలో సంభవించిన భూకంపాలతో పోలిస్తే ఈసారి కాస్త తీవ్రత పెరిగింది. పంజాబ్, ఉత్తరప్రదేశ్ రాష్ట్రాల్లోనూ పలు ప్రాంతాల్లో భూ ప్రకంపనలు చోటు చేసుకున్నట్లు వార్తలు వస్తున్నాయి.

ఢిల్లీలో మే 15న కూడా భూకంపం చోటు చేసుకుంది. రిక్టారు స్కేలుపై తీవ్రత 2.2గా నమోదైంది. మే 10న సంభవించిన భూకంపం తీవ్రత 3.5గా నమోదైంది. ఏప్రిల్ 12, ఏప్రిల్ 13 తేదీల్లోనూ స్వల్ప స్థాయిలో భూకంపం సంభవించడం గమనార్హం.

ఢిల్లీలో వరస భూకంపాలు వస్తుండటంతో ప్రజలు ఆందోళన వ్యక్తం చేస్తు్న్నారు. మొత్తానికి ఏదో తేడా జరుగుతోందని.. ముప్పు ముంచుకొచ్చే ప్రమాదం ఉందని పలువురు నెటిజన్లు ట్వీట్ చేస్తున్నారు. కరోనా వైరస్‌తో బయటకు వెళ్లలేని పరిస్థితి ఉంటే.. భూకంపాలతో ఇంట్లో ఉండలేని పరిస్థితి తలెత్తిందని ఆవేదన వ్యక్తం చేస్తున్నారు.

Also Read:



Source link

Leave a Reply

Your email address will not be published. Required fields are marked *