తాటి ముంజులతో ఆరోగ్యం మస్త్.. రోగాలన్నీ మటాష్!



ఎండలు బాగా మండిపోతున్నాయ్. ఈ తాపాన్ని తట్టుకోవడం శరీరానికి చాలా కష్టం. ఈ నేపథ్యంలో మనం తీసుకునే ఆహారం శరీరానికి మేలు చేసేదిగా ఉండాలి. ఈ వేసవిలో మనకు చాలా రకాల పండ్లు నోరూరిస్తుంటాయి. ఈ సీజన్లో లభించే మామిడి, పుచ్చకాయలు టేస్ట్ చేయకుండా ఉండలేము. మామిడి పండ్లు అతి తింటే శరీరానికి వేడి చేసే అవకాశాలున్నాయి. పుచ్చకాయల్లో నీటి శాతం ఎక్కవ కాబట్టి.. వాటిని ఎంత తిన్నా ఫర్వాలేదు. ఇది కాకుండా ఈ వేసవిలో మేలు చేసే మరోకటి ఉంది. అదే తాటి ముంజు.

డీహైడ్రేషన్, అలసల లేకుండా చేస్తాయి: ఒకప్పుడు ఇవి నగరాల్లో పెద్దగా లభించేవి కాదు. అయితే, ఇటీవల కొంతమంది వ్యాపారులు సైకిళ్లపై ఆకుల్లో ముంజులు పెట్టుకుని విక్రయిస్తున్నారు. ఈ లాక్‌డౌన్‌లో ఇవి అందుబాటులో ఉంటాయో లేదో డౌటే. అయితే, గ్రామాల్లో మాత్రం ఇప్పటికే వీటి అమ్మకాలు మొదలయ్యాయి. మీ గ్రామాల్లో లాక్‌డౌన్ ప్రభావం పెద్దగా లేనట్లయితే ట్రై చేయండి. దీని రుచి కూడా అద్భుతంగా ఉంటుంది. అయితే, దీన్ని రుచి కోసం కాకపోయినా.. ఆరోగ్యం కోసమైనా ట్రై చేయండి. వేసవిలో ఎక్కువగా వచ్చే డీ హైడ్రేషన్, అలసట, చర్మ సమస్యలతో ఇబ్బందిపడేవారికి మంచి ఔషదం.

ఎన్నో పోషకాలు ఉన్నాయి: ఎంతో మృదువుగా.. ముట్టుకుంటే జారిపోయేంత సున్నింతగా ఉండే ఈ ముంజలను అలా నోట్లో పెట్టుకుంటే చాలు.. చల్లగా కడుపులోకి జారుకుంటాయి అందుకే వీటిని ‘ఐస్ యాపిల్స్’ అని కూడా అంటారు. ఈ ముంజుల్లో విటమిన్‌ ఏ, బీ, సీ, ఐరన్‌, కాల్షియంతోపాటు బి కాంప్లెక్స్, నియాసిస్, రిబో ప్లెవీస్, దయామిన్, జింకు పాస్పరస్, పొటాషియం తదితర పోషకాలు కూడా ఉంటాయి. కాలేయ సంబంధిత సమస్యలు కూడా తగ్గుతాయి. ముంజుల్లోని పొటాషియం శరీరంలో ఉండే విష పదార్ధాలను తొలగిస్తాయి.

బరువు తగ్గుతారు: తాటి ముంజులు లేతగా ఉంటే తప్పకుండా దానిపై ఉండే తొక్కతో తినేయండి. ఎందుకంటే అసలైన పోషకాలన్నీ అందులోనే ఉంటాయి. శరీర ఉష్ణోగ్రతను తగ్గించేందుకు ముంజులు ఎంతో ఉపయోగపడతాయి. జీర్ణక్రియ సమస్యలతో బాధపడుతున్నవారికి ఇవి మేలు చేస్తాయి. తాటి ముంజులు తింటే బరువు పెరుగుతామనే భయం కూడా అక్కర్లేదు. ఎందుకంటే.. వంద గ్రాముల తాటి ముంజుల్లో కేవలం 43 గ్రాముల కేలోరీలు మాత్రమే ఉంటాయట. మీ ఇంట్లో పిల్లలు, వృద్ధులు ఉన్నట్లయితే తప్పకుండా తాటి ముంజలను తినిపించండి.

Also Read:

చర్మ సమస్యలను నివారిస్తుంది: ముంజులు శరీరానికి డీహైడ్రేషన్ సమస్య లేకుండా చూస్తాయి. దాహార్తిని తీరుస్తాయి. వడదెబ్బ తగిలినవాళ్లకు ముంజులను జ్యూస్‌గా చేసి పట్టిస్తే వెంటనే ఉపశమనం లభిస్తుంది. అంతేకాదు.. చర్మ సంబంధిత సమస్యలకు మంచి ఔషదంగా పనిచేస్తుంది. దద్దుర్లు, కాలిన గాయాలు, చేమట కాయలు ఏర్పడినట్లతే తాటి ముంజుల గుజ్జుని శరీరానికి పట్టించి చూడండి. కొద్ది రోజుల్లోనే తగ్గిపోతాయి.

Also Read:

సర్వరోగ నివారణిగా..: ఆరు అరటిపండ్లలో ఉండే పొటాషియం ఒక్క తాటి ముంజలో ఉంటుందని, ఇవి బీపీని అదుపు చేయడమే కాకుండా కొవ్వును కంట్రోల్ చేస్తుందని ఆహార నిపుణులు చెబుతున్నారు. అలాగే ఎముకులను బలంగా ఉంచేందుకు, వ్యాధి నిరోధక శక్తిని పెంచేందుకు ముంజులు చాలా మంచివట. కొబ్బరికాయల్లో ఉన్నట్లే తాటి ముంజుల మధ్యలో స్వచ్ఛమైన, రుచికరమైన నీరు ఉంటుంది. ఆ నీరు శరీరాన్ని చల్లగా ఉంచుతుంది. అలాగే క్యాన్సర్ కణాల నిరోధానికీ ముంజులు ఉపయోగపడతాయి, రొమ్ము క్యాన్సర్‌కు కారణమయ్యే పెట్రో కెమికల్స్, ఆంథోసైనిన్‌లను నిర్మూలిస్తాయి. అజీర్తి, ఎసిడిటీ సమస్యలు కూడా దూరం అవుతాయి. ఇప్పుడు అర్థమైందిగా.. సర్వ రోగాలను నివారించే ముంజలను ఈ వేసవిలో మిస్ కాకుండా తినండి.



Source link

Leave a Reply

Your email address will not be published. Required fields are marked *