తొలిదశలో 30 కోట్ల మందికి వ్యాక్సినేషన్.. ఈ వర్గాలకు ప్రాధాన్యత: కేంద్రం ప్రణాళిక



ప్రపంచవ్యాప్తంగా వ్యాక్సిన్ ప్రయోగాలు చివరి దశకు చేరుకుంటున్నాయి. మరో రెండు మూడు నెలల్లో టీకా అందుబాటులోకి రానుండటంతో తొలి ప్రాధాన్యత ఎవరికివ్వాలనే చర్చ జరగుతోంది. ఈ నేపథ్యంలో, తొలి ప్రాధాన్యత కింద అధిక ముప్పు పొంచి ఉన్న 30 కోట్ల మందిని గుర్తించే ప్రక్రియను కేంద్రం ప్రారంభించింది. వీరిలో కరోనా మహమ్మారిపై ముందుండి పోరాటం చేస్తున్న వైద్య, ఆరోగ్య సిబ్బంది, పోలీసులు, పారిశుద్ధ్య కార్మికులు, వయసుపై బడినవారు, అనారోగ్య సమస్యలున్న మొత్తం 30 కోట్ల మందికి 60 కోట్ల డోస్‌లు అవసరముంటుందని అంచనా వేస్తున్నారు.

Read Also:

ఒకసారి వ్యాక్సిన్ ఆమోదం పొంది అందుబాటులోకి వచ్చిన తర్వాత పంపిణీపై ప్రణాళికలు రూపొందించింది. తొలి ప్రాధాన్యత కింద వ్యాక్సినేషన్ పొందేవారిని నాలుగు కేటగిరీలుగా విభజించారు. 50-70 లక్షల మంది వైద్య ఆరోగ్య సిబ్బంది; పోలీసులు, మున్సిపల్ సిబ్బంది, భద్రతా దళాలు సహా రెండు కోట్ల మంది ఫ్రంట్‌లైన్ వర్కర్లు; 50 ఏళ్లుపైబడినవారు 26 కోట్ల మంది, మిగిలినవారు అనారోగ్య సమస్యలున్న 50ఏళ్లలోపు వ్యక్తులు.

Read Also:
దేశంలో ప్రస్తుతం మూడు వ్యాక్సిన్‌లు క్లినికల్ దశలో ఉన్నాయి. వీటిలో ఆక్స్‌ఫర్డ్-ఆస్ట్రాజెన్‌కా టీకా మూడో దశ క్లినికల్ ట్రయల్స్ పుణేకు చెందిన సీరమ్ ఇన్‌స్టిట్యూట్ ఆఫ్ ఇండియా ఆధ్వర్యంలో కొనసాగుతున్నాయి. మూడో దశ క్లినికల్ ఫలితాలు నవంబరు చివర లేదా డిసెంబరు తొలి వారం నాటికి అందుబాటులోకి వస్తాయని ప్రభుత్వం ఇటీవల ప్రకటించింది.

Read Also:
వివిధ కేంద్ర, రాష్ట్ర ప్రభుత్వ సంస్థల నుంచి సేకరించి సమాచారం ఆధారంగా వ్యాక్సిన్ పంపిణీ ప్రణాళిక ముసాయిదాను జాతీయ నిపుణుల బృందం రూపొందించింది. నీతి ఆయోగ్ సభ్యుడు డాక్టర్ వీకే పాల్ నేతృత్వంలోని ఈ బృందం.సీడీసీ, అట్లాంటా, డబ్ల్యూహెచ్‌ఓ ప్రతిపాదించిన ప్రారంభ దశ టీకాల కేటాయింపులను అధ్యయనం చేసింది. ఈ ప్రణాళిక ప్రకారం.. మొదటి దశలో 23 శాతం జనాభాకు వ్యాక్సినేషన్ లక్ష్యంగా పెట్టుకుంది. ఈ వారంలో కేంద్ర ఆరోగ్య మంత్రి హర్ష్ వర్ధన్ నేతృత్వంలోని కోవిడ్ -19పై మంత్రుల బృందం సమావేశంలో చర్చించారు.

Read Also:
ముసాయిదా ప్రకారం.. ప్రభుత్వ, ప్రయివేట్ రంగంలో 70 లక్షల మంది వైద్య ఆరోగ్య సిబ్బంది ఉంటారని నిపుణుల కమిటీ అంచనా వేసింది. 11 లక్షల మంది వైద్యులు, 8 లక్షల మంది ఆయుష్ సిబ్బంది, 15 లక్షల మంది నర్సులు, 7 లక్షల మంది ఏఎన్‌ఎంలు, 10 లక్షల మంది ఆశా వర్కర్లు ఉన్నారు. పారిశుద్ధ్య కార్మికులు, అంబులెన్స్ సిబ్బంది, హాస్పిటల్ సెక్యూరిటీ వంటి అనుబంధ ఆరోగ్య సిబ్బంది మరో 7-8 లక్షల మంది వరకు ఉంటారు. తొలి ప్రాధాన్యత కిందట వ్యాక్సినేషన్ పొందేవారి జాబితా అక్టోబరు చివరికి లేదా నవంబరు తొలివారానికి అందుబాటులో ఉంటుందని అధికారులు తెలిపారు.



Source link

Leave a Reply

Your email address will not be published. Required fields are marked *