‘ద హండ్రెడ్’ టోర్నీని వాయిదా వేసిన ఈసీబీ



ఇంగ్లాండ్ క్రికెట్ బోర్డు (ఈసీబీ) ప్ర‌తిష్టాత్మ‌కంగా ప్ర‌వేశ‌పెట్టాల‌ని భావిస్తున్న ద హండ్రెడ్ టోర్నీని వ‌చ్చే ఏడాదికి వాయిదా వేసింది. టీ20 ఫార్మాట్‌ను వంద బంతుల‌కు కుదించ‌డంతోపాటు ఓవ‌ర్లో బంతుల సంఖ్య‌లో మార్పు చేశారు. అయితే క‌రోనా వైర‌స్ నెల‌కొన్న ప్ర‌స్తుత ప‌రిస్థితిలో ద హండ్రెడ్ టోర్నీని నిర్వ‌హించ‌లేమని ఈసీబీ చీఫ్ ఎగ్జిక్యూటివ్ టామ్ హారిస‌న్ తెలిపారు. ప్ర‌పంచ‌వ్యాప్తంగా క్రికెట్ కార్య‌క‌లాపాలు ఈ మ‌హమ్మారి కార‌ణంగా వాయిదా ప‌డిన సంగ‌తి తెలిసిందే.

Must Read:
‘ఈ ఏడాది నిర్వ‌హించాల‌ని భావిస్తున్న ద హండ్రెట్ టోర్నీని నిర్వ‌హించే ప‌రిస్థితి క‌న్పించ‌డం లేదు. దీంతో మేం చాలా నిరాశ‌కు లోన‌య్యాం. కొత్త ఫార్మాట్ ఈ ఏడాది పరీక్షించ‌క‌పోవ‌డం బాధ‌క‌ర‌మే. వ‌చ్చే ఏడాది ఈ టోర్నీని ఆవిష్క‌రిస్తామ‌ని భావిస్తున్నాం’ అని హారిస‌న్ తెలిపారు.

Must Read:
ఇక క‌రోనా వైర‌స్ కార‌ణంగా వ‌చ్చేనెల 28 వ‌ర‌కు క్రికెట్ యాక్టివిటీస్‌ను ఈసీబీ వాయిదా వేసింది. క్రికెట్ కార్య‌క‌లాపాలు మ‌ళ్లీ ప్రారంభ‌మైతే.. కౌంటీతోస‌హా ప‌లు మ్యాచ్‌ల‌ను నిర్వ‌హించాల్సి ఉంది. ఈ నేప‌థ్యంలో బోర్డు ఈ నిర్ణ‌యం తీసుకున్న‌ట్లు తెలుస్తోంది. మ‌రోవైపు ఈ టోర్నీని జూలై నెల‌లో ప్రారంభించాల‌ని తొలుత షెడ్యూల్ చేశారు. ఈ టోర్నీలో ఎనిమిది ఫ్రాంచైజీలు భాగం కానున్నాయి.



Source link

Leave a Reply

Your email address will not be published. Required fields are marked *