ధోనీ.. ఆ మ్యాచ్‌లో జ‌ట్టు విజ‌యం కోసం ఆడ‌లేదు: ఇంగ్లాండ్ స్టార్‌



గ‌తేడాది జ‌రిగిన ప్ర‌పంచ‌క‌ప్‌లో భార‌త్ లీగ్ ద‌శ‌లో స‌త్తాచాటిన సంగ‌తి తెలిసిందే. వ‌రుస విజ‌యాల‌తో టోర్నీ హాట్ ఫేవ‌రెట్ హోదాకు న్యాయం చేస్తూ భార‌త్ ఆడింది. అయితే లీగ్ ద‌శ‌లో ఇంగ్లాండ్‌తో జ‌రిగిన మ్యాచ్‌లో మాత్ర‌మే భార‌త్ ఓడిపోయింది. ఈ మ్యాచ్‌లో 338 ప‌రుగుల ఛేద‌న‌లో బ‌రిలోకి దిగిన భార‌త్.. ఆఖ‌రుకు 306/5త‌తో నిలిచి 31 ప‌రుగులో ప‌రాజ‌యం పాలైంది. తాజాగా ఈ మ్యాచ్‌పై ఇంగ్లాండ్ స్టార్ ఆల్‌రౌండ‌ర్ బెన్ స్టోక్స్ త‌న పుస్త‌కం ఆన్ ఫైర్‌లో చ‌ర్చించాడు. ఈ మ్యాచ్‌లో చివ‌రికంటా నిలిచిన భార‌త మాజీ కెప్టెన్ విజ‌యం కోసం ప్ర‌య‌త్నించ‌లేద‌ని గుర్తు చేశాడు.

Must Read:
నిజానికి ఈ మ్యాచ్‌లో 65 బంతుల్లో 112 ప‌రుగులు చేయాల్సిన ద‌శ‌లో ధోనీ బ‌రిలోకి దిగాడ‌ని స్టోక్స్ గుర్తు చేసుకున్నాడు. స‌హ‌చ‌రుడు కేదార్ జాద‌వ్‌తో కలిసి భారీ షాట్లు ఆడ‌కుండా, సింగిల్స్ తీయ‌డంపైనే దృష్టి సారించాడని తెలిపాడు. మ్యాచ్ చివ‌రి రెండు ఓవ‌ర్ల‌కు వ‌చ్చిన‌ప్ప‌టికీ కూడా ధోనీ దృక్ప‌థంలో మార్పు రాలేద‌ని, ఈ నేప‌థ్యంలో భార‌త్ ఓడిపోయింద‌ని చెప్పుకొచ్చాడు.

Must Read:
ఆ మ్యాచ్‌లో ధోనీతోపాటు జాద‌వ్ నాటౌట్‌గా నిలిచార‌ని స్టోక్స్ తెలిపాడు. నిజానికి భారీ ఛేద‌న‌లో బ‌రిలోకి దిగిన భార‌త్‌కు శుభారంభం ల‌భించ‌లేదు. లోకేశ్ రాహుల్ డ‌కౌట్ కాగా.. రోహిత్ శ‌ర్మ (102), కోహ్లీ (66) రాణించారు. అయితే వీరు మ‌రీ ర‌క్ష‌ణాత్మ‌కంగా ఆడ‌టంతో ర‌న్‌రేట్ పెరిగిపోయి, మ్యాచ్ చేయిదాటి పోయింద‌ని వ్యాఖ్యానించాడు. ధోనీ క్రీజులోకి వ‌చ్చిన‌ప్ప‌టికీ విజ‌యం కోసం ప్ర‌య‌త్నించ‌లేదని, గ‌తంలో ఇదే స్థితిలో తను ఎదురుదాడికి దిగి మ్యాచ్‌ల‌ను గెలిపించిన విష‌యాన్ని గుర్తుచేశాడు. క‌నీసం ర‌న్‌రేట్‌పై కూడా దృష్టి సారించ‌కుండా, ఇలా చేతులెత్తేయ‌డం త‌న‌ను ఆశ్చ‌ర్య‌ప‌ర్చింద‌ని స్టోక్స్ తెలిపాడు



Source link

Leave a Reply

Your email address will not be published. Required fields are marked *