నోరుజారిన యువరాజ్ సింగ్‌పై కేసు నమోదు



టీమిండియా మాజీ ఆల్‌రౌండర్ యువరాజ్ సింగ్‌పై పోలీస్ స్టేషన్‌లో కేసు నమోదైంది. ఇటీవల భారత జట్టు ఓపెనర్ రోహిత్ శర్మతో ఇన్‌స్టాగ్రామ్ లైవ్ సెషన్‌లో మాట్లాడిన .. మణికట్టు స్పిన్నర్ చాహల్ గురించి అనుచిత వ్యాఖ్యలు చేశాడు.

లాక్‌డౌన్ కారణంగా దొరికిన బ్రేక్ సమయంలో చాహల్ చాలా ఫన్నీ టిక్‌టాక్ వీడియోలు చేశాడు. దాంతో.. లైవ్ సెషన్‌లో చాహల్ టిక్‌టాక్ వీడియోల గురించి ప్రస్తావన తీసుకొచ్చిన యువరాజ్ సింగ్ ‘‘ఈ భాంగీ వాళ్లకి ఏం పని ఉండదు. చాహల్ ఫ్యామిలీ మెంబర్స్‌తో కలిసి చేసిన టిక్‌టాక్ వీడియోలు చూశావా..?’’ అని రోహిత్ శర్మని అడిగాడు. యువీ.. ఆ భాంగీ పదాన్ని వాడటం ద్వారా దళితుల్ని అవమానించాడని గత మూడు రోజులుగా విమర్శలు వస్తున్నాయి.

యువరాజ్ సింగ్ వ్యాఖ్యలపై మండిపడిన దళిత హక్కుల కార్యకర్త, అడ్వకేట్ రజత్ కల్సన్.. హర్యానాలోని హన్సి పోలీస్ స్టేషన్‌లో అతనిపై ఫిర్యాదు చేశాడు. దాంతో.. పోలీసులు కూడా కేసు నమోదు చేశారు. యువీ భాంగీ పదాన్ని వినియోగించినప్పుడు వ్యతిరేకించాల్సిన రోహిత్ శర్మ.. నవ్వడాన్ని కూడా కల్సన్ తప్పుబట్టాడు. అయితే.. ఇప్పటి వరకూ ఈ వివాదాస్పద వ్యాఖ్యలపై యువీ స్పందించలేదు.



Source link

Leave a Reply

Your email address will not be published. Required fields are marked *