ప్రాణాలు తీసిన టిక్‌టాక్ మోజు.. ఐదుగురు టీనేజర్లు మృతి



మోజు ప్రాణాల మీదకు తెచ్చింది. నీటి దిగి టిక్‌టాక్ చేద్దామని ప్రయత్నించి ఐదుగురు టీనేజర్లు మరణించిన అత్యంత విషాద ఘటన యూపీలోని వారణాసిలో చోటుచేసుకుంది. టిక్‌టాక్ చేసేందుకు ఆరుగురు స్నేహితులు వారణాసిలోని గంగనది వద్దకు వెళ్లారు. ఐదుగురు స్నేహితులు నీటిలో దిగగా మరొకరు ఒడ్డున ఉండి సెల్‌ఫోన్‌లో వీడియో తీస్తున్నాడు.

నీటిలో దిగిన వారిలో ఒక టీనేజర్ నది లోతు తెలియక వెనక్కి వెళ్లి మునిగిపోయాడు. అది గమనించి కంగారు పడిన మిగిలన నలుగురు అతనిని కాపాడబోయి నీటమునిగారు. నదిలో దిగిన ఐదుగురు టీనేజర్లు నీటమునిగి మృత్యువాతపడ్డారు. ఒడ్డున ఉన్న స్నేహితుడు అప్రమత్తం చేయడంతో స్థానికులు వచ్చి చూసేసరికే ఐదుగురు కనిపించకుండా పోయారు.

Also Read:

సమాచారం అందుకున్న పోలీసులు సంఘటన స్థలానికి చేరుకుని సహాయక చర్యలు చేపట్టారు. నీటమునిగి మరణించిన ఐదుగురి మృతదేహాలను వెలికితీయించారు. వారిని తౌసిఫ్, ఫదీన్, సైఫ్, రిజ్వాన్ ,సకీగా గుర్తించారు. అందరూ 14 నుంచి 19 ఏళ్లలోపు వారేనని పోలీసులు తెలిపారు. అనంతరం మృతదేహాలను పోస్టుమార్టం నిమిత్తం రామ్‌నగర్‌లోని లాల్‌ బహదూర్ శాస్త్రి ఆసుపత్రికి తరలించారు.

Read Also:



Source link

Leave a Reply

Your email address will not be published. Required fields are marked *