ప్రాణాలు తీసిన వాట్సాప్ స్టేటస్.. యువకుడిని దారుణంగా నరికి..



రెచ్చగొట్టేలా స్టేటస్ పెట్టాడని యువకుడిని అతికిరాతకంగా నరికి చంపేసిన దారుణ సంఘటన పూణెలో జరిగింది. వాడ్గావ్ మావల్ పరిధిలోని తక్వె గ్రామానికి చెందిన యష్ అవాలె(22) మరొక యువకుడితో పాతగొడవలున్నాయి. ఈ నేపథ్యంలో యష్ పెట్టిన వాట్సాప్ స్టేటస్‌ ప్రత్యర్థి యువకుడిని రెచ్చగొట్టింది. ఆ స్టేటస్ తనను ఉద్దేశించే పెట్టాడని కక్ష పెంచుకుని దారుణంగా హత్య చేశాడు.

రాత్రి పదిన్నర గంటల సమయంలో ఇంటి నుంచి బయటకు వచ్చిన యష్‌ని మూడు బైక్‌లపై వచ్చిన ఎనిమిది మంది చుట్టుముట్టారు. మారణాయుధాలతో దాడి చేశారు. పదునైన ఆయుధాలతో తలపై విచక్షణా రహితంగా నరకడంతో యష్‌ అక్కడికక్కడే కుప్పకూలి ప్రాణాలు కోల్పోయాడు. నిందితులందరూ 19 నుంచి 23 ఏళ్లలోపు వారే కావడం గమనార్హం.

Also Read:

సమాచారం అందుకున్న వాడ్గావ్ మావల్ పోలీసులు కేసు నమోదు చేసి దర్యాప్తు చేపట్టారు. రెచ్చగొట్టేలా వాట్సాప్ స్టేటస్ పెట్టాడని యష్‌ని దారుణంగా హత్య చేసినట్లు పోలీసులు ప్రాథమికంగా తేల్చారు. ఏడుగురు నిందితులను అరెస్టు చేశారు. హత్య కేసులో ప్రమేయమున్న మరికొందరిని అరెస్టు చేయాల్సి ఉందని పోలీసులు తెలిపారు.

Read Also:



Source link

Leave a Reply

Your email address will not be published. Required fields are marked *