ప్రేమపేరుతో పాస్టర్ పాడుపని.. యువతిని గర్భవతిని చేసి.. మోజు తీరాక..



దైవసందేశం వినిపించాల్సిన పాస్టర్ యువతికి ప్రేమసందేశమిచ్చాడు. పెళ్లి చేసుకుంటానని నమ్మించి యువతితో హద్దులు దాటి గర్భవతిని చేశాడు. తీరా ప్రియురాలిపై మోజు తీరాక ముఖం చాటేశాడు. ఎవరికీ తెలియకుండా మరో అమ్మాయిని పెళ్లి చేసుకుని ఇంటికి తెచ్చాడు. మోసపోయానని ఆలస్యంగా గ్రహించిన యువతి పోలీసులను ఆశ్రయించడంతో పాస్టర్ బండారం బయటపడింది. ఈ దారుణ ఘటన జిల్లాలో జరిగింది.

పలమనేరు మండలం నెల్లిపట్ల పంచాయతీ పరిధిలోని జంగాల అగ్రహారంలో పాస్టర్‌గా పనిచేస్తున్న రాజ్‌కుమార్ అదే గ్రామానికి చెందిన యువతిని ప్రేమిస్తున్నానని నమ్మబలికాడు. ఆరేళ్లు ఆమెతో సన్నిహితంగా మెలిగాడు. పెళ్లి చేసుకుంటానని చెప్పి యువతిని లొంగదీసుకుని కామకోరికలు తీర్చుకున్నాడు. ఆమె గర్భం దాల్చిందని తెలియడంతో వెంటనే అబార్షన్ చేయించాడు. తీరా ప్రియురాలిపై మోజు తీరాక ముఖం చాటేయడం మొదలుపెట్టాడు.

Also Read:

గ్రామ పెద్దలు పంచాయితీ పెట్టడంతో పాస్టర్ ట్రైనింగ్ పూర్తయ్యాక తప్పకుండా పెళ్లి చేసుకుంటానని మాటిచ్చాడు. ఇచ్చిన మాటను తుంగలో తొక్కి వేరొక అమ్మాయిని పెళ్లి చేసుకుని ఇంటికొచ్చాడు. దీంతో మోసపోయానని గ్రహించిన బాధితురాలు పోలీసులను ఆశ్రయిండంతో విషయం వెలుగులోకి వచ్చింది. కీచక పాస్టర్ బాగోతం బయటపడింది. బాధితురాలి ఫిర్యాదు మేరకు బైరెడ్డిపల్లి పోలీసులు కేసు నమోదు చేశారు. నిందితుడిని అదుపులోకి తీసుకుని విచారణ జరుపుతున్నారు.

Read Also:



Source link

Leave a Reply

Your email address will not be published. Required fields are marked *