ప్రైమ్ మినిస్టర్ పక్కకెళ్లి మాట్లాడుకోండి.. ప్రధానికి ఇంటి ఓనరు షాక్



ప్రధాని స్కాట్ మోరిసన్‌‌కు ఓ సామాన్య వ్యక్తి షాకిచ్చాడు. అంతర్జాతీయ వార్తా సంస్థలు వెలువరించిన కథనం ప్రకారం.. ఆస్ట్రేలియా రాజధాని అయిన క్యాన్‌బెర్రాలో హోమ్ బిల్డర్ అనే పథకం గురించి చెప్పేందుకు ప్రధాని స్కాట్ మోరిసన్ ఓ ఇంటి ఎదుట విలేకరుల సమావేశం ఏర్పాటు చేశారు. ఆ ఇంటి ముందు పచ్చని గడ్డి ఉంది. ఆ మైదానంలోనే వీరు మీడియా సమావేశం ఏర్పాటు చేశారు. మీడియా సమావేశం జరుగుతుండగా మధ్యలో ఆ ఇంటి ఓనర్ ఇంట్లో నుంచి పరిగెత్తుకుంటూ బయటకు వచ్చాడు. ఇంటి ఎదుట పెరట్లో ఉన్న గడ్డిపై మీడియా ప్రతినిధులు నిలబడి ఉండడాన్ని చూసి, ఏ మాత్రం జంకకుండా వారిపై కోప్పడ్డాడు.

ఆ ఇంటి ఓనర్ కోపంతో ఊగిపోతూ ‘ఇప్పుడే అక్కడ గడ్డి విత్తనాల్ని నాటాను. మీరు కాస్త పక్కన నిలబడండి’ అంటూ వారిపై అరిచాడు. అంతేకాక సీరియస్‌గా ప్రెస్ మీట్‌లో మాట్లాడుతున్న ప్రధానిని పేరు పెట్టి పిలిచి.. ‘‘మిస్టర్ మోరిసన్ జర్నలిస్ట్‌లను గడ్డి దిగి పక్కకి వెళ్లమని చెప్పండి’’ అంటూ ఆదేశించాడు.

దీంతో ప్రధాని అతనికి సారీ చెప్పి, గడ్డి దిగి కాస్త పక్కకు రావాల్సిందిగా జర్నలిస్టులను కోరారు. ఓ సామాన్య వ్యక్తికి సాక్షాత్తు దేశ ప్రధాని తాము పక్కకు వెళ్తామని మృదువుగా చెప్పడం విశేషం. ఆ వెంటనే ఇంటి ఓనర్ సరేనంటూ చేతులు ఊపుతూ ఇంట్లోకి వెళ్లిపోయాడు.



Source link

Leave a Reply

Your email address will not be published. Required fields are marked *