ఫాస్ట్ బౌలర్లని కష్టాల్లోకి నెట్టబోతున్నారా..?: హర్భజన్ ఫైర్



కారణంగా క్రికెట్‌లో కొన్ని నిబంధనల్ని మార్చే దిశగా అంతర్జాతీయ క్రికెట్ కౌన్సిల్ (ఐసీసీ) అడుగులు వేస్తోంది. అందులో ముఖ్యంగా.. బంతి మెరుపు కోసం ఇకపై ఆటగాళ్లు దానిపై ఉమ్ము రుద్దకూడదని ఇటీవల ప్రతిపాదించింది. దాంతో.. చాలా మంది మాజీ క్రికెటర్లు ఐసీసీ ప్రతిపాదనని తిరస్కరించారు. బంతి పాతబడే కొద్దీ దాని నుంచి స్వింగ్ రాబట్టడానికి ఉన్న ఏకైక మార్గం.. ఉమ్ము లేదా చెమటని రుద్ది మెరుపు తీసుకురావడమేనని చెప్పుకొస్తున్న క్రికెటర్లు.. ఐసీసీ పునరాలోచించుకోవాలని సూచిస్తున్నారు. కానీ.. అదే పంథా కొనసాగితే క్రికెటర్లు కరోనా వైరస్ బారిన పడే ప్రమాదం ఉందని ఐసీసీ హెచ్చరిస్తోంది.

Read More:

‘‘మ్యాచ్‌లో బంతి పాతబడిన తర్వాత.. దానికి చెమట రుద్దితే అది బరువుగా అవుతుంది తప్ప మెరవదు. కేవలం ఉమ్ము ద్వారా మాత్రమే బంతిపై మెరుపుని తీసుకురావొచ్చు. చెమటతో పోలిస్తే ఉమ్ము కాస్త జిగటగా ఉంటుంది. కాబట్టి.. బంతిపై దాన్ని పదే పదే రుద్దితే..? బంతి పైపొర మెరుస్తుంది. ఆ స్వభావం చెమటకి ఉండదు. ఉమ్ముని బంతిపై రుద్దుకూడదనే నిబంధనని అమలు చేస్తే.. బౌలర్లని కష్టాల్లోకి నెట్టినట్లే’’ అని హర్భజన్ సింగ్ అభిప్రాయపడ్డాడు.

Read More:

మైదానంలో ఒకరి నుంచి మరొకరికి కరోనా వైరస్ సోకకుండా ఉండేందుకు ఐసీసీ నిబంధనల్ని కఠినతరం చేయబోతోంది. అందులో భాగంగానే ఉమ్ము లేదా చెమటని బంతిపై రుద్దకూడదనేది తొలి నిబంధన. ఇక వికెట్ పడిన సమయంలో ఆటగాళ్లందరూ చేతులు కలుపుకోకుండా మోచేతిని తాకిస్తూ సెలబ్రేట్ చేసుకోవాలని.. ఇంకా వీలైతే ఎవరి ఫీల్డింగ్ పొజిషన్‌లో వారుండి నమస్కారం చేసుకోవాలని కూడా ప్రతిపాదనలు వస్తున్నాయి.



Source link

Leave a Reply

Your email address will not be published. Required fields are marked *