మహారాష్ట్రలో ఒక్కరోజే 22 మరణాలు.. 221 కొత్త కరోనా కేసులు



మహారాష్ట్రలో ఆదివారం ఒక్కరోజే 221 మందికి కరోనా సోకినట్లుగా గుర్తించారు. ఇదే సమయంలో ఆ రాష్ట్ర వ్యాప్తంగా కరోనా బారిన పడి మొత్తంత 22 మంది చనిపోయారు. దీంతో మహారాష్ట్రలో మొత్తం కరోనా పాజిటివ్ కేసులు 2 వేలకు చేరువకు వచ్చాయి. ప్రస్తుతానికి మహారాష్ట్రలో మొత్తం కొవిడ్ కేసులు 1,982గా నమోదయ్యాయి. తాజా మరణాలు 22తో కలుపుకొని మొత్తం కరోనా రోగుల మరణాలు 149గా అధికారులు గుర్తించారు.

‘‘ఆదివారం 221 మంది రోగులకు కరోనా ఉన్నట్లు గుర్తించాం. దీంతో మొత్తం కరోనా రోగుల సంఖ్య 1,982కు చేరింది. ఒకే రోజులో 22 మంది కరోనా రోగులు చనిపోగా.. మొత్తం మరణాల సంఖ్య 149కి చేరింది. మహారాష్ట్రలో మొత్తం ఇప్పటి వరకూ 41 వేల శాంపిళ్లను ఇప్పటి వరకూ సేకరించి పరీక్షలు జరిపాం. 217 మంది బాధితులు పూర్తిగా కోలుకొని డిశ్చార్జి అయ్యారు.’’ అని మహారాష్ట్ర ఆరోగ్యశాఖ ఉన్నతాధికారులు ఆదివారం ప్రకటన విడుదల చేశారు.

Must Read:

ఇక దేశవ్యాప్తంగా కొవిడ్ కేసులు ఆదివారానికి 8,447కు చేరినట్లుగా కేంద్ర ఆరోగ్య మంత్రిత్వశాఖ వెల్లడించింది. అందులో యాక్టివ్ కరోనా పాజిటివ్ కేసులు 7,409 అని స్పష్టం చేసింది. మొత్తం ఇప్పటి వరకూ 764 మంది కరోనా బాధితులు కోలుకొని డిశ్చార్జి అయ్యారు. ఇక దేశ వ్యాప్తంగా కరోనా వల్ల మరణించిన వారి సంఖ్య 273కు చేరుకుంది.



Source link

Leave a Reply

Your email address will not be published. Required fields are marked *