ముఖంపై బ్లాక్‌హెడ్స్? ఈ చిట్కాలు పాటిస్తే చిటికెలో మాయం!



ముఖం చందమామలా మెరవాలని మాత్రమే అంతా కోరుకుంటారు. కానీ, చందమామలోని ఆ నల్లని మచ్చలు ఎవరు కోరుకుంటారు చెప్పండి. అందమైన మోమును కళతప్పించే నల్లని మచ్చలు (బ్లాక్‌హెడ్స్)‌ సమస్యతో అమ్మాయిలు మాత్రమే కాదు.. అబ్బాయిలు కూడా బాధపడుతున్నారు. కాబట్టి ఇద్దరికీ ఉపయోగపడే కొన్ని చిట్కాలను ఇక్కడ అందిస్తున్నాం. అవి తెలుసుకోడానికి ముందు అంటే ఏమిటీ? ఎందుకు ఏర్పడతాయనే విషయాన్ని తెలుసుకోండి.

ముఖం మీద చిన్న చిన్న నల్లటి మచ్చలు..ఇవంటే అమ్మాయిలకే కాదు, అబ్బాయిలకు కూడా హాడలే. ఇది ముఖాలను అందవిహీనంగా చేయటమే కాదు..కొన్ని సార్లు మానసికంగా కూడా క్రుంగదీస్తాయి. వీటినే బ్లాక్ హెడ్స్ అంటుంటారు. కొన్ని జాగ్రత్తలు తీసుకుంటే, ఈ బ్లాక్ హెడ్స్ ను నివారించడంలో పెద్ద కష్టమైన పనేమి కాదు.

చర్మం క్రింద సెబాసియస్ అనే గ్లాండ్స్ ఉంటాయి. వయస్సు పెరిగే కొద్ది ఈ గ్లాండ్స్‌లో చురుకుదనం లోపిస్తుంది. దీంతో ముఖ చర్మంపై నల్లగా లేదా ఎర్ర రంగు మచ్చలు మొదలవుతాయి. జిడ్డుగారే చర్మం (ఆయిలీ స్కిన్) ఉన్నవారికి ఈ సమస్య మరింత ఎక్కువ. దుమ్ము, దూళీ, వాయు కాలుష్యం ఎక్కువగా ఉండే ప్రాంతాల్లో నివసించేవారిలో ఎక్కువగా ఈ సమస్య ఏర్పడుతుంది. చర్మంపై పేరుకుపోయే బ్యాక్టీరియా క్రమేనా నల్ల మచ్చలను పెద్దవి చేస్తుంటాయి. వీటిని తొలగించాలంటే కింది వాటిలో ఏదైనా ఒక చిట్కాను రోజూ పాటించి చూడండి.

Also Read:

✺ గ్రీన్ టీ ఆకుల్ని పొడిగా చేసి నీటిలో వేయండి. దాన్ని పేస్ట్‌లా కలిపి ముఖానికి రాసుకోవడం ద్వారా సత్ఫలితాలు కనిపిస్తాయి.
✺ బేకింగ్ సోడాలో కాస్త నిమ్మరసం కలిపి ముఖానికి మసాజ్ చేసి చూడండి. కొద్ది రోజుల్లోనే మాయమవుతాయి.
✺ సీసాల్ట్‌ స్ర్కబ్‌తో ముఖాన్ని శుభ్రంగా కడగండి. బాదంపొడి, ముల్తానీ మట్టి, గ్లిజరిన్ సబ్బు కూడా బ్లాక్ హెడ్స్ నివారణకు బాగా పనిచేస్తాయి.
✺ ఓట్స్ పొడిలో నిమ్మరసం, పెరుగు, ఆలివ్ ఆయిల్ కలిపి ముఖానికి రాసుకోండి. రోజూ ఇలా చేస్తే మంచి ఫలితం కనిపిస్తుంది.
✺ బెంజోయిల్ పెరాక్సైడ్‌తో కూడిన ఫేస్‌క్రీములతో కూడా బ్లాక్ హెడ్స్ తగ్గుతాయి.
✺ దాల్చిన చెక్క పొడిలో కాస్త తేనె కలిపి ముఖానికి రాసుకోండి. అనంతరం గోరువెచ్చని నీటితో ముఖాన్ని శుభ్రం చేసుకోండి.
✺ రాత్రి పడుకోబోయే ముందు టొమాటో రసాన్ని ముఖానికి రాసుకోండి. ఉదయాన్నే లేచి కడిగేయండి. ఇలా క్రమం తప్పకుండా చేస్తే తప్పకుండా మంచి ఫలితం కనిపిస్తుంది.
✺ కోడిగుడ్డులో తేనె ముఖానికి పట్టించడం ద్వారా కూడా బ్లాక్ హెడ్స్ తొలగిపోతాయి.
✺ గోరువెచ్చని పాలలో తేనె కలిపి నల్ల మచ్చలు ఉన్న చోట రాయాలి. అనంతరం పొడి బట్టతో గట్టిగా తుడిస్తే వెంటనే ఫలితం కనిపిస్తుంది.
✺ ముల్లంగి విత్తనాలను నీటిలో వేసుకుని, పేస్టులా చేసి ముఖానికి రాసుకోవాలి. ఆరిన తర్వాత ముఖాన్ని శుభ్రంగా కడగాలి.
✺ చివరిగా ఫేష్ వాష్.. బ్లాక్ హెడ్స్ సమస్య ఉన్న చాలామంది ఎక్కువగా వీటిని వాడతారు. అయితే, సలిసిలిక్ యాసిడ్ ఉన్న పేస్ వాష్‌లను వాడితే తప్పకుండా ఫలితం కనిపిస్తుంది.

Also Read:

చూశారుగా.. ఎన్ని చిట్కాలు మీ ముందు ఉన్నాయో. కాబట్టి, వర్రీ కాకుండా పై చిట్కాల్లో మీకు నచ్చినది పాటించేయండి. కానీ, జాగ్రత్త సుమా.. ముఖం చాలా సున్నితమైనది. గట్టిగా రుద్ది కొత్త సమస్యలు కొని తెచ్చుకోవద్దు. వీటిలో కొన్ని అలర్జీలు కూడా కలిగించ్చు.



Source link

Leave a Reply

Your email address will not be published. Required fields are marked *