ముచ్చటగా మూడు కిడ్నీలు.. నడుం నొప్పని వెళ్తే ఊహించని ట్విస్ట్



నిషికి రెండు కిడ్నీలు ఉంటాయనే సంగతి తెలుసు. కానీ, అతడికి ఏకంగా ఉన్నాయి. బ్రెజిల్‌కు చెందిన 38 ఏళ్ల వ్యక్తి గత కొద్ది రోజులుగా నడుం నొప్పితో బాధపడుతున్నాడు. దీంతో అతడు సావో పాలోని హాస్పిటల్‌కు వెళ్లాడు. అక్కడ అతడికి సీటీ స్కాన్ నిర్వహించిన వైద్యులు.. అతడికి మూడు కిడ్నీలు ఉండటం చూసి ఆశ్చర్యపోయారు.

అతడికి ఎడమ వైపున ఉన్న కిడ్నీ సాధారణంగానే ఉంది. అయితే, మిగతా రెండు కిడ్నీలు.. వెన్నెముక చివరి భాగంలో ఇరుక్కున్నట్లుగా ఉన్నాయి. ఈ అరుదైన కేసును ది న్యూ ఇంగ్లాండ్ జర్నల్ ఆఫ్ మెడిసిన్(NEJM)లో ప్రచురించారు. వైద్యులు తెలిపిన వివరాల ప్రకారం.. ఆ వ్యక్తికి కిడ్నీల్లో ఎలాంటి సమస్య లేదు. అన్ని అవయవాలు సక్రమంగానే పనిచేస్తున్నాయి. కానీ, నడుం నొప్పి మాత్రం వేధిస్తోంది.

Also Read:

తనకు మూడు కిడ్నీలు ఉన్న సంగతి బాధితుడికి కూడా తెలీదు. వైద్య పరీక్షల్లో మూడు కిడ్నీలు ఉన్నట్లు తెలిసి.. ఇదేం ట్విస్టు అనుకున్నాడట. అయితే, ఆ కిడ్నీల వల్ల అతడికి ఎలాంటి సమస్య లేదని వైద్యులు తెలిపారు. రెండు కిడ్నీలు ఉన్నవారికి ఇతడికి చాలా వ్యత్యాసం ఉందన్నారు. సాధారణంగా రెండు కిడ్నీలు.. మూత్ర నాళానికి అనుసంధానమై మూత్రాశయానికి వెళ్లాయి. కానీ, ఇతడిలో వెన్నుముక వైపు ఉన్న ఒక కిడ్నీ నేరుగా మూత్రాశయానికి కనెక్టయ్యింది. అయితే, దీనివల్ల అతడికి ఎలాంటి సమస్య ఉండబోదని వైద్యులు తెలిపారు. దాన్ని తొలగించాల్సిన అవసరం లేదన్నారు. నడుం నొప్పికి పెయిన్ కిల్లర్స్ రాసిచ్చి పంపేశారు.



Source link

Leave a Reply

Your email address will not be published. Required fields are marked *