మూత్రంలో సమస్య? నిర్లక్ష్యం వద్దు.. ఇలా చేయండి



మూత్రంలో సమస్యగా ఉందా? అయితే.. అస్సలు నిర్లక్ష్యం చేయకండి. ముఖ్యంగా పురుషులు ఈ విషయంలో చాలా జాగ్రత్తగా ఉండాలి. ఎందుకంటే.. మూత్ర సమస్య ప్రోస్టేట్ గ్రంథి క్యాన్సర్‌కు దారితీయొచ్చని వైద్య నిపుణులు హెచ్చరిస్తున్నారు.

అంటే ఏమిటీ?: ప్రోస్టేట్ అంటే వీర్య గ్రంథి. ఇది వాల్‌నట్ తరహాలో ఉంటుంది. ఇదే పురుషుల్లో వీర్యాన్ని తయారు చేస్తుంది. వాస్తవానికి పురుషుల్లో క్యాన్సర్ ముప్పు చాలా తక్కువ. అయితే, ప్రోస్టేట్ క్యాన్సర్ మాత్రం తెలియకుండానే పెరిగిపోతుంది. ముందుగా ఈ గ్రంథిలోనే క్యాన్సర్ కణం ఏర్పడుతుంది. ఆలస్యం చేస్తే.. అది మిగతా భాగాలకు కూడా పాకవచ్చని వైద్యులు హెచ్చరిస్తున్నారు. తొలి దశలోనే దీని గుర్తించగలిగితే ప్రమాదం నుంచి బయటపడొచ్చు.

ఈ లక్షణాలు కనిపిస్తే అప్రమత్తం అవ్వండి:
✺ ప్రొస్టేట్‌ క్యాన్సర్‌ ముదిరిన తర్వాతే లక్షణాలు బయటపడతాయి.
✺ మూత్ర విసర్జన సమయంలో ఇబ్బందిగా ఉంటుంది.
✺ మూత్రం నుంచి లేదా వీర్యంలో రక్తం వస్తుంటే అప్రమత్తం కావాల్సిందే.
✺ పొత్తి కడుపు, ఎముకల్లో నొప్పి, కీళ్ల వాపు సమస్యలు వస్తే వైద్యులను సంప్రదించాలి.
✺ 50 ఏళ్ల నిండిన ప్రతి ఒక్కరూ ప్రోస్టేట్ స్క్రీనింగ్ చేయించుకోవడం ఉత్తమం.
✺ క్యాన్సర్ ముదిరితే అంగస్తంభన సమస్యలు వస్తాయి.
✺ కుటుంబంలో ఎవరికైనా ఈ క్యాన్సర్ ఉన్నా.. అప్రమత్తంగా ఉండాలి.
✺ బరువు పెరగడం వల్ల కూడా ఈ సమస్య రావచ్చు.
✺ దీన్ని అలాగే వదిలేస్తే.. ఎముకలు, ఊపిరితిత్తులు ఇతర అవయవాలకు సైతం వ్యాపించే ప్రమాదం ఉంది.

క్యాన్సర్ అనుమానం వస్తే ఏం చేయాలి?:
✺ మూత్ర సమస్య వచ్చినా, రక్తం పడుతున్నా వెంటనే వైద్యులను సంప్రదించాలి.
✺ డిజిటల్‌ రెక్టల్‌ ఎగ్జామ్‌(DRE), ప్రొస్టేట్‌ స్పెసిఫిక్‌ యాంటిజెన్‌(PSE) పరీక్షలతో క్యాన్సర్‌ను గుర్తించవచ్చు.
✺ రిపోర్టుల్లో ఇంకా అనుమానాలు ఉంటే అల్ట్రాసౌండ్‌, బయాప్సీ పరీక్షలు కూడా చేస్తారు.
✺ క్యాన్సర్ అవయవాలకు వ్యాపించిందనే అనుమానం వస్తే సీటీ స్కాన్‌, ఎంఆర్‌ఐ, ఎముకల స్కానింగ్‌ చేస్తారు.
✺ క్యాన్సర్ తొలి దశలో ఉన్నట్లు గుర్తిస్తే.. మందులతో తగ్గించే ప్రయత్నం చేస్తారు.
✺ ఎప్పటికప్పుడు రోగి రక్త పరీక్షలు, పురుష నాళ పరీక్షలు చేయించకుంటూ తీవ్రతను గుర్తిస్తుండాలి.
✺ క్యాన్సర్ తీవ్రమవుతున్నట్లయితే వెంటనే చికిత్స పొందాలి.
✺ ఇది గ్రంథిని దాటి బయటకు వచ్చిందంటే.. ఇతర భాగాలకు చాలా వేగంగా పాకేస్తుంది.
✺ వ్యాధి ముదిరితే రేడియో థెరఫీ, కిమో థెరపీ, హర్మోన్ థెరపీ, సర్జరీలతో చికిత్స చేస్తారు.
✺ క్యాన్సర్ ప్రాథమిక దశలో ఉంటే మందుల ద్వారా టెస్టోస్టిరాన్ ఉత్పత్తిని నిలిపేసి క్యాన్సర్ అరికడతారు.
✺ లేదంటే వృషణాలను తొలగించి కూడా శరీరంలో టెస్టోస్టిరాన్‌ పరిమాణాన్ని తగ్గించే అవకాశాలున్నాయి.

Read Also:

క్యాన్సర్ రాకుండా ఉండాలంటే ఏం చేయాలి?:
✺ కూరగాయాలను, పండ్లను ఎక్కువగా తీసుకోవడం ద్వారా ప్రోస్టేట్ క్యాన్సర్ సమస్య రాకుండా జాగ్రత్త పడవచ్చని వైద్యులు చెబుతున్నారు. అయితే, ఇందుకు తగిన రుజువులు లేవు.
✺ నిత్యం వ్యాయామం చేయడం, దురాలవాట్లకు దూరంగా ఉండటం ద్వారా ఇలాంటి వ్యాధుల నుంచి బయటపడొచ్చు.

Read Also:

గమనిక: పై వివరాలన్నీ మీ అవగాహన కోసం మాత్రమే అందించాం. దీనిపై మీరు ఎలాంటి ఆందోళన చెందకండి. ఏ సమస్య ఉన్న వైద్యులను సంప్రదించి తెలుసుకోవడమే ఉత్తమమైన మార్గం.



Source link

Leave a Reply

Your email address will not be published. Required fields are marked *