యస్ బ్యాంక్ ఎక్స్‌క్లూజివ్ ఆఫర్: క్షణాల్లో రుణం.. వారికి మాత్రమే!



ప్రైవేట్ రంగానికి చెందిన యస్ బ్యాంక్ తాజాగా తన కస్టమర్ల కోసం ఎక్స్‌క్లూజివ్ ఆఫర్‌ను ప్రకటించింది. ఓవర్‌డ్రాఫ్ట్ ఫెసిలిటీని అందుబాటులోకి తీసుకువచ్చింది. అయితే ఇది అందరికీ అందుబాటులో ఉండదు. కేవలం బ్యాంకులో ఫిక్స్‌డ్ డిపాజిట్ కలిగిన కస్టమర్లకు మాత్రమే ఈ ఫెసిలిటీ వర్తిస్తుంది.

బ్యాంక్‌లో ఫిక్స్‌డ్ డిపాజిట్ చేసిన వారు ఓవర్ డ్రాఫ్ట్ ఫెసిలిటీ పొందొచ్చని యస్ బ్యాంక్ తెలిపింది. సాధారణ కస్టమర్లకు 2 శాతం వడ్డీ రేట్లు వర్తిస్తుందని పేర్కొంది. అదే సీనియర్ సిటిజన్స్ అయితే 1 శాతం వడ్డీకే ఓవర్ డ్రాఫ్ట్ కింద లోన్ తీసుకోవచ్చని తెలిపింది. కస్టమర్లు బ్యాంక్‌లో కనీసం రూ.50,000 అయితే ఎఫ్‌డీ చేసి ఉండాలి. అలాగే ఎఫ్‌డీ టెన్యూర్ కనీసం 181 రోజులు ఉంటే సరిపోతుంది.

Also Read:

బ్యాంక్‌కు వెళ్లకుండానే ఎఫ్‌డీలపై ఓవర్ డ్రాఫ్ట్ సదుపాయం పొందొచ్చని యస్ బ్యాంక్ తెలిపింది. యస్ బ్యాంక్ మొబైల్, యస్ రోబో ద్వారా ఈ సర్వీసులు పొందొచ్చని వివరించింది. కస్టమర్లు ప్రిఅప్రూవ్డ్ ఆఫర్స్ లేదా ఎక్స్‌క్లూజివ్ ఆఫర్స్‌పై క్లిక్ చేసి, ఫిక్స్‌డ్ డిపాజిట్‌ను సెలెక్ట్ చేసి ఈ సేవలు పొందొచ్చని పేర్కొంది.

ప్రస్తుతం యస్ బ్యాంక్ ఫిక్స్‌డ్ డిపాజిట్లపై 6.75 శాతం వడ్డీ రేటును అందిస్తోంది. 9 నెలల నుంచి ఏడాది కాల పరిమితిలోని ఎఫ్‌డీలకు ఇది వర్తిస్తుంది. ఇకపోతే యస్ బ్యాంక్‌లో డిపాజిట్లు తగ్గుతూ వస్తున్న విషయం తెలిసిందే. బ్యాంక్ ఆర్థిక పరిస్థితులు, ఇతర అంశాలు ఇందుకు ప్రధాన కారణం.



Source link

Leave a Reply

Your email address will not be published. Required fields are marked *