రూ.3వేలు దొంగిలించాడని.. కన్నతండ్రినే చంపేసిన కొడుకు



మద్యానికి బానిసైన తండ్రిని దారుణంగా చంపేసి, వడదెబ్బతో చనిపోయాడని నాటకమాడిన ఘటన తమిళనాడులో జరిగింది. ఆంధ్రా సరిహద్దులోని ఊత్తుకోట సెండ్రాంపాళ్యానికి చెందిన క్రిట్టినన్‌(65) రైతు కూలి. ఇతనికి ఇద్దరు కుమారులు చిరంజీవి, రజిని ఉన్నారు. ఇటీవల క్రిట్టినన్‌ మద్యానికి బానిసయ్యాడు. మూడు రోజుల క్రితం వడదెబ్బకు గురై మృతి చెందినట్లు పెద్దకొడుకు చిరంజీవి పెన్నాలూరుపేట పోలీసుస్టేషన్లో ఫిర్యాదు చేశాడు. పోలీసులు మృతదేహాన్ని పోస్టుమార్టం నిమిత్తం తిరువళ్ళూరు ప్రభుత్వ ఆసుపత్రికి తరలించారు.

Also Read:

పోస్టుమార్టం రిపోర్టులో క్రిట్టినన్‌ను గొంతు నులుమి చంపినట్లు తేలడంతో పోలీసులు అనుమానంతో చిరంజీవిని అదుపులోకి తీసుకుని ప్రశ్నించారు. తను దాచుకున్న రూ.3 వేలు నగదును తండ్రి దొంగిలించి మద్యం తాగేశాడని, దీనిపై తాను ప్రశ్నించగా ఇద్దరికీ గొడవ జరిగిందని చిరంజీవి చెప్పాడు. ఈ క్రమంలోనే ఆగ్రహంతో తండ్రి గొంతు నులిమి హత్య చేసినట్లు అంగీకరించాడు. దీంతో పోలీసులు నిందితుడిని అరెస్టు చేసి ఊత్తుకోట కోర్టులో హాజరు పరిచారు. న్యాయస్థానం రిమాండ్‌ విధించడంతో అతడిని పుళల్‌ సబ్‌ జైలుకు తరలించారు.

Also Read:



Source link

Leave a Reply

Your email address will not be published. Required fields are marked *