రెడ్, ఆరెంజ్, గ్రీన్ జోన్లను ఎలా వర్గీకరిస్తారు..? ఇవన్నీ గ్రీన్ జోన్‌గా ఎలా మారతాయి?



కరోనా వైరస్ వ్యాప్తి తీవ్రతరం అవుతున్న నాటి నుంచి నుంచి కంటైన్మెంట్ జోన్, బఫర్ జోన్, లాంటి పదాల వాడకం పెరిగింది. వీటి గురించి కొందరికి అవగాహన ఉన్నప్పటికీ.. మరి కొందరికి మాత్రం కొద్దిగా కన్ఫ్యూజన్ ఉంది. కాగా వీటి విషయంలో ఏపీ సర్కారు క్లారిటీ ఇచ్చింది. కోవిడ్-19 కేసులను గుర్తించిన నిర్దిష్ట ప్రాంతాలను కంటైన్‌మెంట్ జోన్‌గా పిలుస్తారని ‘ఆరోగ్య ఆంధ్ర ట్విట్టర్ ద్వారా వెల్లడించింది. కంటైన్మెంట్ జోన్ చుట్టూ ఉన్న భాగం, కొత్తగా కరోనా కేసులు ఉండే అవకాశం ఉన్న ప్రాంతాలను బఫర్ జోన్‌గా పరిగణిస్తారని తెలిపింది.

అత్యధిక సంఖ్యలో కరోనా పాజిటివ్ కేసులు ఉండి.. ఇన్ఫెక్షన్ శాతం ఎక్కువగా పెరుగుతున్న ప్రాంతాలను రెడ్ జోన్‌ లేదా హాట్ స్పాట్ అంటారని ఏపీ సర్కారు తెలిపింది. పాజిటివ్ కేసులు తక్కువగా ఉండే ప్రాంతాలను ఆరెంజ్‌ జోన్‌గా పిలుస్తారని తెలిపింది. కొద్ది కాలంగా పాజిటివ్ కేసులు నమోదు కాని ప్రాంతాలను గ్రీన్ జోన్లుగా పిలుస్తారని తెలిపింది.

మరింత వివరంగా..
ఏప్రిల్ 15 ముందు వరకు 15 కేసులు నమోదైన ప్రాంతాలను రెడ్ జోన్‌గా ప్రకటించేవారు. తర్వాత దాని నిర్వచనాన్ని మార్చారు. రాష్ట్రంలో నమోదైన కేసుల్లో 80 శాతం కేసులున్న జిల్లాను రెడ్‌ జోన్‌గా పిలుస్తారు. లేదంటే నాలుగు రోజుల్లో కరోనా పాజిటివ్ కేసులు రెట్టింపయిన జిల్లాను రెడ్ జోన్‌గా పరిగణిస్తారు.

Read Also:

రెడ్ జోన్‌గా ఉన్న ప్రాంతంలో 14 రోజులపాటు కొత్త కేసులేవీ నమోదు కాకపోతే దాన్ని ఆరెంజ్‌ జోన్‌గా మారుస్తారు. ఆరెంజ్ జోన్‌ ప్రాంతంలో 14 రోజులపాటు కొత్త కేసులు నమోదు కాకపోతే దాన్ని గ్రీన్‌జోన్‌గా పరిగణిస్తారు. అంటే రెడ్ జోన్ గ్రీన్‌ జోన్‌గా మారాలంటే 28 రోజులపాటు కొత్త కేసులేవీ నమోదు కాకూడదు. 28 రోజులపాటు కోవిడ్ కేసులేవీ నమోదు కాని జిల్లాను లేదా రాష్ట్రాన్ని గ్రీన్ జోన్‌గా పిలుస్తారు.

Read Also:

ఏదైనా ప్రాంతంలో నాలుగు కంటే ఎక్కువ కరోనా పాజిటివ్ కేసులు నమోదైతే దాన్ని కంటైన్‌మెంట్ జోన్‌గా పరిగణిస్తారు. ఉదాహరణకు ఏదైనా బిల్డింగ్‌లో నాలుగు కోవిడ్ కేసులు నమోదైతే దాన్ని సీల్ చేస్తారు. దాని చుట్టూ అర కిలోమీటర్ మేర ఉన్న ప్రాంతాన్ని కంటైన్‌మెంట్ జోన్‌గా ప్రకటిస్తారు. కంటైన్‌‌మెంట్ జోన్ చుట్టూ కిలోమీటర్ మేర ఉన్న ప్రాంతాన్ని బఫర్‌ జోన్‌గా పిలుస్తారు. కంటైన్‌మెంట్ జోన్‌లో ప్రజల ఇళ్ల నుంచి బయటకు వెళ్లడానికి అస్సలు అనుమతించరు, నిత్యవసరాలను ఇళ్ల వద్దే అందిస్తారు. బఫర్ జోన్లో ప్రజలు బయటకు వెళ్లడాన్ని పాక్షికంగా అనుమతిస్తారు.



Source link

Leave a Reply

Your email address will not be published. Required fields are marked *