రైతులకు మోదీ గుడ్ న్యూస్.. ఒకేసారి 3 శుభవార్తలు!



కేంద్ర ప్రభుత్వం రైతులకు తీపికబురు అందించింది. ఒకేసారి మూడు శుభవార్తలు అందించింది. దీంతో అన్నదాతలకు ప్రయోజనం కలుగనుంది. ప్రధాని మోదీ సారథ్యంలోని కేంద్ర కేబినెట్.. లోన్ రీపేమెంట్ గడువు పొడిగింపు, కిసాన్ క్రెడిట్ కార్డు రుణాలు నిబంధనల సరళీకరణ, తక్కువ వడ్డీకే పంట లోన్స్ వంటి నిర్ణయాలు తీసుకుంది.

వ్యవసాయ రుణాలు చెల్లింపునకు కేంద్ర ప్రభుత్వం ఆగస్ట్ 31 వరకు గడువు పొడిగించింది. రూ.3 లక్షల వరకు స్వల్పకాలిక రుణాలకు ఇది వర్తిస్తుంది. అలాగే కిసాన్ క్రెడిట్ కార్డు ద్వారా సులభంగానే రుణాలు అందిస్తామని కేంద్రం పేర్కొంది. దీనికి సంబంధించి నిబంధనలు సవరించామని తెలిపింది. అలాగే కేబినెట్ కనీస మద్దతు ధరను పెంచింది. 14 ఖరీఫ్ పంటలకు ఇది వర్తిస్తుంది.

Also Read:

మోదీ సర్కార్ పంట రుణాల చెల్లింపు గడువును ఆగస్ట్ 31 వరకు పెంచడంతో కిసాన్ క్రెడిట్ కార్డు ద్వారా రైతులకు తక్కువ వడ్డీకే రుణాలు లభిస్తాయి. కిసాన్ క్రెడిట్ కార్డు రుణాలపై వడ్డీ రేటు కేవలం 4 శాతం మాత్రమే. అయితే ఇది అందరికీ వర్తించదు. తీసుకున్న రుణాలను కరెక్ట్ టైమ్‌కు కడితేనే ఈ తక్కువ వడ్డీ పడుతుంది. మార్చి 31లోపు రుణాన్ని చెల్లించాలి. అయితే కేంద్రం గతంలో ఈ డెడ్‌లైన్‌ను మే 31 వరకు పొడిగించింది. ఇప్పుడు కేంద్ర ప్రభుత్వం మే 31 గడువును ఆగస్ట్ నెల చివరి వరకు పొడిగిస్తూ నిర్ణయం తీసుకుంది.

దీంతో ఆగస్ట్ చివరి లోపు ఈ రుణాలు చెల్లించినా కూడా లోన్స్‌పై 4 శాతం వడ్డీనే పడుతుంది. కేసీసీ లోన్స్‌పై సాధారణంగా 9 శాతం వడ్డీ పడుతుంది. అయితే ఇందులో కేంద్ర ప్రభుత్వం 2 శాతం సబ్సిడీ అందిస్తుంది. అప్పుడు వడ్డీ రేటు 7 శాతానికి తగ్గుతుంది. ప్రతి ఏడాది తీసుకున్న రుణాన్ని గడువులోగా చెల్లిస్తూ వస్తే.. మరో 3 శాతం వడ్డీ తగ్గుతుంది. అంటే మొత్తంగా చూస్తే కిసాన్ క్రెడిట్ కార్డు రుణాలపై వడ్డీ రేటు 4 శాతం అవుతుంది.



Source link

Leave a Reply

Your email address will not be published. Required fields are marked *