లాక్ డౌన్ పొడిగిస్తే.. ఆకలి చావులే- ఇన్ఫీ మూర్తి హెచ్చరిక



కరోనా వైరస్ దెబ్బకి దేశం మొత్తం లాక్ డౌన్ పరిస్థితుల్లోకి వెళ్లిపోయింది. దీంతో ఆర్థిక వ్యవస్థపై ప్రతికూల ప్రభావం పడింది. అన్ని రంగాలు గడ్డు పరిస్థితులను ఎదుర్కొంటున్నాయి. చాలా మంది ప్రజలు ఇబ్బందులు పడుతున్నారు. ఇలాంటి నేపథ్యంలో లాక్ డౌన్ పొడిగిస్తే ఏమౌతుంది? దేశీ రెండో అతిపెద్ద ఐటీ కంపెనీ ఇన్ఫోసిస్ వ్యవస్థాపకుడు ఇన్ఫోసిస్ తనదైన శైలిలో స్పందించారు.

కోవిడ్ 19ను ఎదుర్కోవడానికి లాక్ డౌన్‌ను పొడిగిస్తే భారత్‌లో కరోనా వైరస్ మరణాల కన్నా ఆకలి చావులే ఎక్కువగా ఉంటాయని నారాయణ మూర్తి తెలిపారు. కరోనా వైరస్‌ను అంగీకరించాలి తీరాల్సిందేనని, అయితే ఆరోగ్యంగా ఉన్న వారు మళ్లీ తిరిగి వారి వారి పనుల్లోకి వెళ్లాలని అభిప్రాయపడ్డారు.

‘మనం ఇక్కడ ప్రధానంగా గమనించాల్సిన విషయం ఒకటి ఉంది. భారత్ లాక్ డౌన్ వంటి పరిస్థితులను ఎక్కువ కాలం కొనసాగించడం వీలు కాదు. ఒకానొక సమయంలో కరోనా వైరస్ మరణాల కన్నా ఆకలి చావులు ఎక్కువయ్యే ప్రమాదం ఉంది’ అని ఆయన ఒక వెబినార్‌లో బిజినెస్ లీడర్స్‌తో అన్నారు. భారత్‌లో కరోనా వైరస్ పాజిటివ్ కేసులను గమనిస్తే.. మరణాల రేటు 0.25-0.5 శాతం మధ్యలో ఉందని, ఇతర అభివృద్ధి చెందిన దేశాల కన్నా ఇది తక్కువని వివరించారు.

Also Read:

దేశంలో ప్రతి సంవత్సరం 90 లక్షల మందికి పైగా మరణిస్తున్నారని, దీనికి చాలా కారణాలు ఉన్నాయని మూర్తి తెలిపారు. ఈ మరణాల్లో పావు శాతం కాలుష్యం వల్ల చనిపోతున్నారని పేర్కొన్నారు. సంవత్సరానికి 90 లక్షల మంది చనిపోతూ ఉంటే.. కరోనా వల్ల రెండు నెలల్లో 1,000 మంది మరణించడాన్ని చూస్తే.. ఒక అంశం మాత్రం స్పష్టమౌతోందన్నారు. కరోనా వైరస్‌ వల్ల మనం అనుకున్నంత భయాందోళనలు లేవనే అంశం అర్థమౌతోందన్నారు.

భాతర్‌లో దాదాపు 19 కోట్ల మంది అసంఘటిత రంగంలో లేదా స్వయం ఉపాధి పొంతున్న వారు ఉన్నారని, లాక్ డౌన్ వల్ల వీరందరిపైనా తీవ్ర ప్రతికూల ప్రభావం పడిందని మూర్తి తెలిపారు. ఒకవేళ లాక్ డౌన్ కొనసాగితే వీరి జీవనోపాధి కోల్పోతారని హెచ్చరించారు. అంతేకాకుండా కంపెనీలు కూడా 15 నుంచి 20 శాతం ఆదాయం కోల్పోవచ్చని, దీంతో ప్రభుత్వానికి పన్ను వసూళ్లు తగ్గిపోవచ్చని తెలిపారు.



Source link

Leave a Reply

Your email address will not be published. Required fields are marked *