లో-కార్బ్స్ డైట్‌లో వ్యాయమం చేయొచ్చా? ఆ సమస్య రాకూడదంటే ఏం చేయాలి?



రీరానికి శక్తిని అందించే పోషకాల్లో కార్బోహైడ్రేట్ ఒకటి. కార్బోహైడ్రేట్ ఒక ముఖ్యమైన మాక్రోన్యూట్రియెంట్. ఇది మన శరీరంలో శక్తిని ఉత్పత్తి చేయడానికి ఇది పెద్ద మొత్తంలో అవసరమవుతుంది. మనం తినే పిండి పదార్థాలు జీర్ణమై గ్లూకోజ్‌గా విభజించబడతాయి. ఆ గ్లూకోజ్‌ మన రక్తప్రవాహంలోకి ప్రవేశిస్తుంది. ఆ తర్వాత అది శరీరానికి కావాల్సిన శక్తిని అందిస్తుంది.

కార్బ్స్ శరీరానికి మంచివే. కానీ, బరువు తగ్గడానికి ప్రయత్నించేవారికి ఇవి మంచిది కాదు. దీంతో చాలామంది కార్బ్ తగ్గించడం ద్వారా బరువు తగ్గడానికి ప్రయత్నిస్తారు. ప్రోటీన్లు, కొవ్వులు ఎక్కువగా తీసుకోవడం వల్ల కార్బ్స్ లేని లోటును భర్తీ చేస్తారు. అయితే, దీని వల్ల చాలా ఇబ్బందులు ఉన్నాయి. తక్కువ పిండి పదార్థాలు తినే వ్యక్తులకు తరచుగా గందరగోళం, అలసట, గొంతు సమస్యలతో బాధపడతారు. బలహీనంగా ఉన్నట్లు అనిపిస్తుంది. ఇది రోజువారీ పనులపై ప్రతికూల ప్రభావం చూపుతుంది.

ఒక వేళ మీరు ఈ డైట్‌ను పాటిస్తున్నట్లయితే.. తప్పకుండా మీ రోజువారీ వ్యాయామాన్ని మార్చాలి. మీరు లో-కార్బ్ డైట్ పాటిస్తున్నట్లయితే.. గతంలో వలె వ్యాయామం చేయడం కుదురదు. ఈ మేరకు చిన్న చిన్న మార్పులు చేయాలి. అవేంటో చూసేయండి మరి.

వ్యాయామ సమయాన్ని తగ్గించండి: లో-కార్బ్ డైట్.. మళ్లీ మీరు పాత షేప్‌ను పొందడానికి తప్పకుండా ఉపయోగపడుతుంది. కార్బ్స్ డైట్‌లో ఉన్నప్పుడు వ్యాయామం అతిగా చేస్తే కండరాలు దెబ్బతినే ప్రమాదం ఉంది. ఈ డైట్ పాటిస్తున్నపుడు కండరాలలోని కణజాలం లోపల గ్లైకోజెన్ తక్కువ స్థాయిలో ఉంటుంది. ఈ స్థితిలో ఎక్కువ వ్యాయామం చేస్తే మీ కండరాలు తక్కువ ఉద్దీపనకు గురవ్వి కండరాలు దెబ్బతింటాయి. కాబట్టి, మీరు తేలికపాటి వ్యాయమాలు చేయడమే ఉత్తమం.

మొదట వెయిట్ లిఫ్టింగ్ చెయ్యండి: తక్కువ కార్బ్ డైట్ పాటిస్తున్నపుడు మీరు కొంత బరువును ఎత్తాలి అనుకుంటుంటే, ఆ పనిని వ్యాయామం సెషన్ ప్రారంభంలోనే చేయాలని నిపుణులు చెబుతున్నారు. వ్యాయామం ప్రారంభంలో కాలేయం, కండరాలలో గ్లైకోజెన్ స్థాయి ఎక్కువగా ఉంటుంది. ఆ సమయంలో బరువులు చేయడం వల్ల మీకు ఎటువంటి హాని కలుగదు. కాబట్టి బరువులు ఎత్తడంతోనే మీ వ్యాయామాన్ని ప్రారంభించండి.

ఖాళీ కడుపుతో వ్యాయామం చేయవద్దు: వ్యాయామం ప్రారంభించే ముందు మీరు ఏదైనా తినండి. కార్బ్స్ తో సహా వివిధ రకాల పోషకాలతో ఉన్న ఆహారాన్ని తీసుకోండి. మీరు వర్కౌట్ చేసే 1 గంట ముందు మీరు ఏదైనా తినాలి. దీనివల్ల వల్ల వ్యాయామం చేయడానికి అవసరమైన శక్తిని మీకు అందుతుంది. ఖాళీ కడుపుతో ఎప్పుడూ వ్యాయామం చేయవద్దు. నీరుగా కూడా తాగాలి.

Read Also:

నెమ్మదిగా జీర్ణమయ్యే కార్బ్స్ తినండి: మీరు వర్కౌట్ చేసే ముందు తీసుకునే ఆహారంలో బ్రౌన్ రైస్, పండ్లు, కూరగాయలు, తృణధాన్యాలు వంటి సంక్లిష్ట పిండి పదార్థాలు ఉండే వాటిని తీసుకోవాలి. సంక్లిష్ట పిండి పదార్థాలను గ్లూకోజ్‌గా మార్చడానికి మన శరీరం ఎక్కువ సమయం తీసుకుంటుంది. అప్పుడు వ్యాయామం మధ్యలో అలసట రాకుండా చేస్తుంది.

Read Also:

బలవంతంగా వ్యాయామం వద్దు: కార్బ్ డైట్ పాటిస్తున్నపుడు, మీ శరీరంలో శక్తి సాధారణం కంటే తక్కువగా ఉంటుంది. మీరు త్వరగా అలసిపోతారు. వ్యాయామం చెయ్యలేను అనిపిస్తే, ఆ రోజు చెయ్యకండి. తప్పకుండా చేయ్యాలనే లక్ష్యంతో బలవంతంగా చేయొద్దు. బలవంతమైన వ్యాయామం కండరాల తిమ్మిరికి దారితీయవచ్చు.



Source link

Leave a Reply

Your email address will not be published. Required fields are marked *