వాటర్ బాటిల్స్‌తో చేసే ఎక్సర్‌సైజెస్ గురించి మీకు తెలుసా..



చాలా మంది ఫిట్‌గా ఉండాలనుకుంటున్నారు. కానీ, వర్కవుట్ చేయాలంటే మాత్రం ఎక్కడలేని బద్ధకం వస్తుంది. ఎన్ని పనులైనా చేస్తారు కానీ, వర్కవుట్ విషయానికొచ్చేసరికి అంతగా ఆసక్తి చూపరు. అలాంటప్పుడు మనకు తెలియకుండానే కొన్ని ఎక్సర్‌సైజెస్ చేస్తే చాలా ఫలితం ఉంటుంది. ఇలా చేయడం వల్ల వర్కవుట్ చేసినట్లు ఉంటుంది. పెద్దగా కష్టపడినట్లుగా ఉండదు. అనుకున్న ఫలితాలు వచ్చేస్తాయి. అదే విధంగా ఈ ఎక్సర్‌సైజ్ చేయాలంటే పెద్దగా వేరే పరికరాలు కూడా అవసరం లేదు. సోఫా, మంచం మీదనే కూర్చొని చేయొచ్చు.

పడుకుని చేసే ఎక్సర్‌సైజెస్..
కొన్ని ఎక్సర్‌‌సైజెస్ చేయడం వల్ల చాలా వరకూ మంచి ఫలితం ఉంటుంది. అయితే, కొన్ని కష్టంగా ఉంటాయి. అలా కాకుండా ఈజీగా పడుకుని చేసే ఎక్సర్‌సైజెస్ చేయొచ్చు. అవేంటంటే.. ముందుగా మంచిపై కాళ్లు చాపి పడుకోండి.. ఇప్పుడు కుడి మోకాలిని మీ ఛాతికి ఆనించే ప్రయత్నం చేయండి. ఈ పొజిషన్‌లోనే 20 సెకన్ల పాటు ఉండండి. తర్వాత మళ్లీ మామూలు స్థితికి రండి.. ఇప్పుడు కుడి కాలితో ఎలా చేశారో.. ఎడమ మోకాలితో కూడా అలానే చేయండి.. ఇలా నాలుగు సార్లు చేయండి.. స్టార్టింగ్‌లో 4 సార్లు చేసి అలవాటయ్యే కొద్దీ సంఖ్యని పెంచుకుంటూ పోండి. ఇలా చేయడం వల్ల మజిల్స్ ఫ్రీగా మారతాయి.

కూర్చొని చేసే ఎక్సర్‌సైజెస్..
అదే విధంగా కూర్చొని కూడా కొన్ని ఎక్సర్‌సైజెస్ చేయొచ్చు. అవేంటో తెలుసుకోండి. ముందుగా సోఫాపైనో, మంచంపైనో కూర్చొండి. కాళ్లు జాపండి.. పాదాలు తలగడకి, గోడకో ఆనించండి. ముందుకు వంగి చేతులతో బొటనవేళ్లు తాకి 20 సెకన్లు అలానే ఉండండి.. కాళ్లు మడవకూడదు స్ట్రైట్‌గా పెట్టండి.. తర్వాత మళ్లీ పొజిషన్‌కి వచ్చి బొటనవేలిని పట్టుకోవాలి. ఇలా ఐదు సార్లు చేయండి.. దీనిని కూడా రోజులు గడిచే కొద్దీ పొడిగించుకుంటూ పోవచ్చు.

నిల్చొని చేసే ఎక్సర్‌సైజెస్…
ఈ ఎక్సర్‌సైజ్‌లో శరీరం బరువంతా మునివేళ్లపై ఉంటుంది. ఇందుకోసం ముందుగా నిల్చొడి. చేతులు పైకి ఎత్తి బాడీని పూర్తిగా స్ట్రెచ్ చేయండి. ఊపిరి బాగా పీల్చుకుని నిదానంగా వంగుతూ మునివేళ్లని పట్టుకోండి. అలా 10 సెకన్ల పాటు చేయండి. ఈ మొత్తం చేయడానికి కనీసం 20 సెకన్ల సమయం పడుతుంది. దీనిని కూడా రెగ్యులర్‌గా చేస్తూ టైమ్‌ని పెంచుకుంటూ పోవచ్చు..

వీడియోలు చూస్తూ చేయొచ్చు..
ఇప్పుడు అందరి చేతుల్లో మొబైల్స్ ఉంటున్నాయి. కావాల్సినంత డేటా ఉంటుంది. కాబట్టి ఎవరూ ఏ విషయానికి సంబంధించిన విషయాలు అయినా తెలుసుకోవచ్చు. కాబట్టి వర్కవుట్స్‌కి సంబంధించిన యూట్యూబ్‌లో బోలెడు ఉన్నాయి. కాబట్టి ఫిట్‌గా మారాలనుకునేవారు ఈ వీడియోలు చూస్తూ వర్కవుట్స్ చేయొచ్చు. రెగ్యులర్‌గా ప్రాక్టీస్ చేస్తే ఇది మీకు అలవాటుగా కూడా మారుతుంది. దీంతో కచ్చితంగా ఈ సమయంలో ఫలితం ఉంటుంది.

డాన్స్ కూడా..
డాన్స్ అంటే చాలా మందికి ఇష్టం. ఏదైనా పార్టీ అయినా, ఫంక్షన్ అయినా ఇలాంటి వారు డ్యాన్స్ ఎప్పుడూ మొదలవుతుందని చూస్తారు. కాబట్టి ఇప్పుడు కూడా మీ వర్కవుట్‌ని ఎంచుకోవచ్చు. దీని వల్ల మీకు ఆనందంతో పాటు మీ శరీరంలో ఉండే కొవ్వు కూడా కరుగుతుంది. కాబట్టి మానసిక ఉల్లాసంతో పాటు ఫిట్ నెస్ కూడా వస్తుంది. కాబట్టి ఇంకెందుకు ఆలస్యం ట్రై చేయండి..

స్కిప్పింగ్..
ఇంట్లోనే చేయాల్సిన వర్కవుట్స్‌లో స్కిప్పింగ్ కూడా ఒకటి. ఒక తాడు ఉంటే చాలు.. మీ ఇంట్లోని ఖాళీ స్థలంలోనో, టెర్రకస్ పైనో ఇలా ఎక్కడ ఖాళీగా ఉంటే అక్కడ వర్కవుట్ చేస్తూ అనుకున్న ఫలితాలు పొందొచ్చు.

వాటర్ బాటిల్స్‌తో ఎక్సర్‌సైజెస్…
ఎక్సర్‌సైజెస్ అంటే కేవలం డంబెల్స్, ఇతర ఫిట్‌నెస్‌కి సంబంధించిన వస్తువులు కచ్చితంగా ఉండాల్సిన అవసరం లేదు. ఇంట్లోనే ఉండే వస్తువులతోనే చేయొచ్చు. అందులో వాటర్ బాటిల్స్ ఒకటి. వాటర్ బాటిల్స్‌తో కూడా చక్కగా ఎక్సర్‌సైజెస్ చేయొచ్చు. వీటిని డంబెల్స్‌లా పట్టుకుని చేయొచ్చు. దీని వల్ల మీ మజిల్స్ స్ట్రెంథ్ పెరుగుతుంది. బయటికి వెళ్లకుండానే ఎక్సర్‌‌సైజ్ చేసినట్లుగా ఉంటుంది.



Source link

Leave a Reply

Your email address will not be published. Required fields are marked *