వెల్‌డన్ స‌న్‌రైజ‌ర్స్.. భారీ విరాళంపై వార్నర్



ప్ర‌మాద‌క‌ర క‌రోనా వైర‌స్ కారణంగా దేశవ్యాప్తంగా స్తంభించిపోయిన సంగ‌తి తెలిసిందే. ఈనెల 14 వ‌ర‌కు లాక్‌డౌన్ ప్ర‌క‌టించ‌డంతో అన్ని కార్య‌క‌లాపాలు వాయిదా ప‌డ్డాయి. అయితే క‌రోనాపై పోరుకు ఇప్ప‌టికే చాలామంది స్పోర్ట్స్ స్టార్స్‌, క్రీడా సంస్థ‌లు ముందుకొచ్చాయి. తాజాగా ఈ జాబితాలో హైద‌రాబాద్ బేస్ ఐపీఎల్ ఫ్రాంచైజీ స‌న్‌రైజ‌ర్స్ చేరింది. క‌రోనాపై పోరుకు మ‌ద్ద‌తుగా త‌మ మాతృసంస్థ స‌న్ టీవీ నెట్‌వ‌ర్క్ రూ.10 కోట్ల‌ను అందించ‌నుందని తాజాగా సోష‌ల్ మీడియా వేదిక‌గా ట్వీట్ చేసింది.

Read Also:

మ‌రోవైపు స‌న్‌రైజ‌ర్స్ ప్ర‌క‌ట‌న‌పై ఆ జ‌ట్టు కెప్టెన్, ఆస్ట్రేలియాకు చెందిన డేవిడ్ వార్న‌ర్ ఆనందం వ్య‌క్తం చేశాడు. సంక్షోభ ప‌రిస్థితుల్లో స‌న్ టీవీ నెట్‌వ‌ర్క్ చాలా చ‌క్క‌గా స్పందించింద‌ని ట్వీట్ చేశాడు. దేశ‌వ్యాప్తంగా క‌రోనాపై పోరుకు సాయం చేసిన క్రీడా సంస్థల్లో బీసీసీఐ అగ్ర‌స్థానంలో నిలిచింది. ప్ర‌భుత్వానికి రూ.51 కోట్ల‌ను అందించ‌నున్న‌ట్లు తెలిపింది.

Read Also:
మ‌రోవైపు వ్య‌క్తిగ‌తంగా క్రికెట‌ర్లు స‌చిన్ టెండూల్క‌ర్‌, విరాట్ కోహ్లీ, రోహిత్ శ‌ర్మ‌, సురేశ్ రైనా, బ్యాడ్మింటన్ ప్లేయర్లు పీవీ సింధు, బీ సాయిప్ర‌ణీత్‌, భార‌త చీఫ్ కోచ్ పుల్లెల గోపీచంద్ త‌దిత‌రులు ఇప్ప‌టికే విరాళాలు అందించిన సంగ‌తి తెలిసిందే. మరోవైపు ఇప్ప‌టివ‌ర‌కు దేశ‌వ్యాప్తంగా 6200కిపైగా కరోనా పాజిటివ్ కేసులు నమోద‌య్యాయి. అలాగే 180 మందికిపైగా ఈ మ‌హమ్మారి కార‌ణంగా ప్రాణాలు కోల్పోయారు.



Source link

Leave a Reply

Your email address will not be published. Required fields are marked *