వేసవిలో ఎలాంటి సన్‌స్క్రీన్ ఎంచుకోవాలి? లోషన్స్ వాడకపోతే ఏమవుతుంది?



వేసవి కాలం రాగానే ప్రతి ఒక్కరినీ వెంటాడే సమస్య ఇదే. ఎండ తీవ్రత నుంచి ముఖాన్ని కాపాడుకోడానికి ఎన్నో రకాల ప్రయత్నాలు చేస్తుంటాం. సన్‌స్క్రీన్ లోషన్లతో చర్మాన్ని కాపాడుకుంటాం. లాక్‌డౌన్ కదా.. ఇంట్లోనే కుర్చుంటున్నాం.. వాటితో అవసరం లేదనుకుంటే పొరపాటే. సన్‌స్క్రీన్ లోషన్లు కేవలం బయటకు వెళ్లినప్పుడే కాదు.. ఇంట్లో ఉన్నప్పుడు కూడా అప్లై చేసుకోవాలి.

సన్‌స్క్రీన్ లోషన్లు ఎందుకు రాసుకోవాలి?: లోషన్లు ముఖానికి రాసుకోవడం వల్ల ముఖం జిడ్డుగా ఉండి, చికాకు పుడుతుందని భావిస్తారు. కానీ, వేసవిలో తప్పకుండా సన్‌స్క్రీన్ లోషన్లు రాసుకోవాలి. ఎందుకంటే సూర్యరశ్మిలో యూవీఏ, యూవీబీ కిరణాలు ఉంటాయి. అవిగానీ చర్మాన్ని నేరుగా తాకితే చిన్న వయస్సులోనే వృద్ధాప్య ఛాయలు వస్తాయి. నల్ల మచ్చులు, ముడతలు వస్తాయి. చర్మ క్యాన్సర్లకు కూడా దారితీయవచ్చు.

ఎలాంటి సన్‌స్క్రీన్ లోషన్లు వాడాలి?: సూర్యరశ్మి నేరుగా తగలడం వల్ల ముఖం నల్లగా మారుతుంది. ఆ సమస్య రాకుండా ఉండాలంటే.. టైటానియం డై ఆక్సైడ్, జింక్ ఆక్సైడ్, ఆక్సీబెంజాన్, ఏవో బెంజాన్, మెక్సోరిల్ 5X ఉండే సన్‌స్క్రీన్ లోషన్లు మాత్రమే వాడాలి. ఇవి మీ చర్మానికి రక్షణ కవచంలా కాపాడతాయి. అలాగే ఆ లోషన్లలో SPF శాతాన్ని కూడా చెక్ చేసుకోవాలి.

SPF అంటే?: సన్ ప్రొటెక్షన్ ఫ్యాక్టర్‌నే SPF అని పిలుస్తారు. మీరు వాడే సన్‌స్క్రీన్ లోషన్లలో ఇది కనీసం 15 శాతమైనా ఉండాలి. అంతకంటే తక్కువ SPF ఉంటే ఎలాంటి ఫలితం ఉండదు. 30 శాతం SPF ఉండే ప్రొడక్టులైతే మరీ మంచిది. ఇవి సుమారు 90 నుంచి 98 శాతం చర్మానికి రక్షణ కల్పిస్తాయి.

ఈ సమస్యలున్నవారు ఇలాంటివి వాడకూడదు: అలర్జీలు, సున్నితమైన చర్మం ఉన్నవారు ఆల్కహాల్ కలిగిన లోషన్లు వాడకపోవడం ఉత్తమం. అలాగే చిన్నారులకు డై ఆక్సీబెంజాన్ ఉండే సన్‌స్క్రీన్ లోషన్లు వాడకూడదు. సున్నిత చర్మం కలిగిన వాళ్లు చర్మ వైద్యుల సూచన మేరకు 50 ప్లస్‌ సన్‌స్ర్కీన్‌ లోషన్స్‌ వాడాలి. జిడ్డు చర్మం ఉన్నవాళ్లు మాయిశ్చరైజర్ లేని లోషన్లు ఎంచుకోవాలి. పొడిచర్మం ఉన్నవారు మాత్రం మాయిశ్చరైజర్ కలిగిన సన్‌స్క్రీన్ లోషన్లు వాడొచ్చు.

Also Read:

ఏ సమయంలో రాసుకోవాలి?: ఇళ్లల్లో ఉన్నప్పుడు స్నానం చేసిన తర్వాత ఒకసారి రాసుకుంటే సరిపోతుంది. బయటకు వెళ్తున్నట్లయితే కనీసం 15 నుంచి 20 నిమిషాల ముందు సన్‌స్క్రీన్ లోషన్లు రాసుకోవాలి. బయట ఎక్కువ సేపు గడిపితే ప్రతి రెండు గంటలకు ఒకసారి లోషన్ రాసుకోడానికి ప్రయత్నించండి. దీనివల్ల చర్మానికి ఎక్కువ సేపు రక్షణ లభిస్తుంది.

Also Read: ఇలా రాసుకోండి: జిడ్డుగా ఉండటం ఇష్టంలేనివారు, లేదా జిడ్డు చర్మం ఉన్నవాళ్లు వాటర్‌ బేస్డ్‌ సన్‌స్ర్కీన్ లోషన్లు వాడవచ్చు. ముంజేతులు, మెడ, ఛాతీ దగ్గర కూడా సన్‌స్ర్కీన్‌ రాసుకోవాలి. పొడి చర్మం కలిగినవారు ముందుగా ముఖానికి మాయిశ్చరైజర్‌ అప్లై చేసి, ఆ తర్వాత సన్‌స్ర్కీన్‌ వాడాలి. ఇప్పుడు మాయిశ్చరైజర్ కలిగిని సన్‌స్క్రీన్ లోషన్లు కూడా మార్కెట్లో లభిస్తున్నాయి.



Source link

Leave a Reply

Your email address will not be published. Required fields are marked *