సచిన్‌తో పోలిక సరికాదు: ఓపెనర్ పృథ్వీ షా



భారత దిగ్గజ క్రికెటర్ సచిన్ టెండూల్కర్‌తో తనని పోల్చొద్దని యువ ఓపెనర్ సూచించాడు. 2018లో వెస్టిండీస్‌తో జరిగిన టెస్టు సిరీస్‌తో అంతర్జాతీయ క్రికెట్‌లోకి అరంగేట్రం చేసిన పృథ్వీ షా.. తొలి మ్యాచ్‌లోనే సెంచరీతో చెలరేగాడు. అతని బ్యాటింగ్ టెక్నిక్‌ సచిన్‌ని పోలి ఉండటంతో.. అందరూ జూనియర్ సచిన్ అంటూ అభివర్ణించారు. ఆస్ట్రేలియా మాజీ క్రికెటర్ మార్క్ వా సైతం.. సచిన్‌లానే బెరుకు లేకుండా పృథ్వీ షా ఆడుతున్నాడంటూ కితాబిచ్చాడు.

Read More:

సచిన్‌తో మార్క్‌ వా తనని పోల్చడంపై పృథ్వీ షా మాట్లాడుతూ ‘‘సచిన్ సార్‌తో నన్ను పోల్చినందుకు మార్క్ వాకి ధన్యవాదాలు. కానీ.. నేను ఈ మధ్యే కెరీర్ ప్రారంభించాను.. అప్పుడే దిగ్గజ క్రికెటర్ సచిన్ సర్‌తో నన్ను పోల్చడం సరికాదు. అయితే.. సచిన్ లాంటి బ్యాటింగ్‌ దిగ్గజం నుంచి నేను పాఠాలు నేర్చుకోవడాన్ని గొప్ప గౌరవంగా భావిస్తున్నాను. వ్యక్తిగతంగానూ సచిన్ సార్ నాకు సాయపడుతున్నారు’’ అని వెల్లడించాడు.

Read More:

వెస్టిండీస్‌పై సెంచరీ తర్వాత.. ఆ ఏడాది చివర్లో ఆస్ట్రేలియా పర్యటనకి కూడా పృథ్వీ షా ఎంపికయ్యాడు. కానీ.. టెస్టు సిరీస్‌ ముంగిట జరిగిన వార్మప్ మ్యాచ్‌లో బౌండరీ లైన్ వద్ద క్యాచ్ పడుతుండగా అతని కాలు మడమకి గాయమైంది. దీంతో.. దాదాపు మూడు నెలలు క్రికెట్‌కి దూరమైన పృథ్వీ షా.. ఐపీఎల్ 2019 సీజన్ తర్వాత డోపింగ్ టెస్టులో ఫెయిలై 8 నెలలు నిషేధాన్ని ఎదుర్కొన్నాడు. అయితే ఎట్టకేలకి.. ఈ ఏడాది ఫిబ్రవరిలో మళ్లీ టీమిండియాలోకి ఎంట్రీ ఇచ్చి వరుసగా వన్డే, టెస్టులు ఆడిన పృథ్వీ షా.. ఆశించిన మేర రాణించలేకపోయాడు.



Source link

Leave a Reply

Your email address will not be published. Required fields are marked *