సచిన్ కంటే కోహ్లీనే బెటర్.. విరాట్ దరిదాపుల్లోకి కూడా స్మిత్ రాడు: ‌పీట‌ర్స‌న్‌



భార‌త కెప్టెన్ ఆట‌తీరు గురించి తాజాగా ఇంగ్లాండ్ మాజీ క్రికెట‌ర్ కెవిన్ పీట‌ర్స‌న్ వ్యాఖ్యానించాడు. జింబాబ్వే మాజీ ప్లేయ‌ర్ ఎంబాగ్వా నిర్వ‌హించిన ఓ షోలో పాల్గొన్న పీట‌ర్స‌న్‌.. భార‌త లెజెండ‌రీ క్రికెట‌ర్ స‌చిన్ టెండూల్క‌ర్‌, కోహ్లీల ఆట‌తీరును పొల్చాడు. ఛేద‌న‌లో కోహ్లీ గొప్ప‌గా ఆడ‌తాడ‌ని, అత‌ని వ‌న్డే సెంచ‌రీల‌న్నీ దాదాపుగా ఛేద‌న స‌మ‌యంలో చేసిన‌వేన‌ని గుర్తు చేశాడు. ఎంతో ఒత్తిడి నెలకొనే ఛేద‌న‌లో కోహ్లీ అద్భుతంగా ఆడ‌తాడ‌ని పీట‌ర్స‌న్ అభిప్రాయ‌ప‌డ్డాడు.

Must Read:
మ‌రోవైపు మూడు ఫార్మాట్ల‌లో కోహ్లీ స‌గటు 50కిపైగా ఉంది. ఇక వ్య‌క్తిగ‌త రికార్డుల కంటే కూడా, జ‌ట్టు విజ‌యాలు సాధించిన ఇన్నింగ్స్‌ల‌కే త‌ను పెద్ద‌పీట వేస్తాన‌ని పీట‌ర్స‌న్ చెప్పాడు. మ్యాన్ ఆఫ్ ద మ్యాచ్ అవార్డులు చాలా ప్రొత్సాహాన్నిస్తాయని, జ‌ట్ల‌ను గెలుపొందిన‌ప్పుడు ఈ అవార్డు తీసుకోవ‌డం చాలా బాగుంటుంద‌ని వ్యాఖ్యానించాడు. కోహ్లీ ఈ విష‌యంలో ఎంతో మెరుగ‌ని, అత‌ని సాధించిన రికార్డులు న‌మ్మ‌శ‌క్యం కాబోవని పేర్కొన్నాడు.

Must Read:
స‌మ‌కాలీన క్రికెట్‌లో కోహ్లీతో పోటీప‌డుతున్న ఆస్ట్రేలియా మాజీ కెప్టెన్ స్టీవ్ స్మిత్‌ను పీట‌ర్స‌న్ తేలిక‌గా తీసుకున్నాడు. ఆటతీరులో కోహ్లీ దరిదాపుల్లోకి కూడా స్మిత్ రాడ‌ని అభిప్రాయ‌ప‌డ్డాడు. అత్యంత స్థిర‌మైన ఆట‌తీరుతో ఇండియాకు విజ‌యాల‌ను కోహ్లీ సాధించి పెడుతున్నాడ‌ని పేర్కొన్నాడు. క‌రోనా కార‌ణంగా ప్ర‌పంచ‌వ్యాప్తంగా క్రికెట్ కార్య‌క‌లాపాలు వాయిదా ప‌డ‌టంతో ప్లేయ‌ర్లంతా ఇంటిప‌ట్టునే ఉంటున్న సంగ‌తి తెలిసిందే. మ‌రోవైపు ప్ర‌పంచ‌వ్యాప్తంగా వివిధ బోర్డులు.. క్రికెట్ యాక్టివిటీస్‌ని పున‌:ప‌్రారంభించేందుకు చ‌ర్య‌లు తీసుకుంటున్నాయి.



Source link

Leave a Reply

Your email address will not be published. Required fields are marked *