సచిన్ కోసం స్కూల్ బంక్..? భజ్జీ ప్రశ్నతో రైనాకి మైండ్ బ్లాక్



భారత వెటరన్ బ్యాట్స్‌మెన్ సురేశ్ రైనాకి ఊహించని పంచ్ పడింది. 1998లో షార్జా వేదికగా జరిగిన కోకాకోలా సిరీస్‌లో సచిన్ టెండూల్కర్ బ్యాటింగ్ చూసేందుకు అప్పట్లో స్కూల్ బంక్ కొట్టినట్లు ఇటీవల ఓ ఇంటర్వ్యూలో వెల్లడించాడు. దాంతో.. అదే సిరీస్‌లో సచిన్‌తో కలిసి ఆడిన హర్భజన్ సింగ్ ఆశ్చర్యం వ్యక్తం చేస్తూ.. ఆ మ్యాచ్‌లు జరిగింది సాయంత్రం.. మరి స్కూల్ బంక్ ఎలా..? అని ట్విట్టర్‌లో ఓ విలువైన ప్రశ్నని సంధించాడు. దాంతో.. రైనా నుంచి సమాధానం లేదు.

Read More:

ఆ టోర్నీలో భాగంగా ఆస్ట్రేలియాతో జరిగిన మ్యాచ్‌లో సచిన్ టెండూల్కర్ ఆకాశమే హద్దుగా చెలరేగాడు. 131 బంతుల్లో 9 ఫోర్లు, 5 సిక్సర్ల సాయంతో ఏకంగా 143 పరుగులు చేసిన సచిన్.. కంగారూల బౌలర్లని ఉతికారేశాడు. సచిన్ 24 ఏళ్ల సుదీర్ఘ కెరీర్‌లో ఈ షార్జా ఇన్నింగ్స్ ఓ మచ్చుతునక. అప్పట్లో అందరూ ఎడారిలో సచిన్ తుపానుగా ఆ విధ్వంసాన్ని అభివర్ణించారు.

Read More:

‘‘అప్పట్లో మా ఇంట్లో టీవీ ఉండేది. అయితే.. అందులో కేవలం దూరదర్శన్ మాత్రమే వచ్చేది. దాంతో ఆ సిరీస్‌ని చూసేందుకు నేను స్కూల్ చివరి రెండు పీరియడ్స్‌ని బంక్ కొట్టేవాడ్ని. అప్పట్లో సచిన్ ఓపెనర్‌గా ఆడేవాడు. నేను కేవలం సచిన్ లేదా రాహుల్ డ్రవిడ్ బ్యాటింగ్ మాత్రమే చూసేవాడ్ని. ఒకవేళ సచిన్ ఔటైతే.. టీవీ ముందు నుంచి వెళ్లిపోయేవాడ్ని. అప్పుడు నాకు 12 ఏళ్లు ఉంటాయి’’ అని రైనా వెల్లడించాడు. అయితే.. ఈ ఇంటర్వ్యూపై హర్భజన్ ఫన్నీగా స్పందించాడు. ‘‘ స్కూల్ బంక్ ఎలా..? భారత కాలమాన ప్రకారం మ్యాచ్‌లు సాయంత్రం 4 గంటలకి ప్రారంభమయ్యేవి. నేను ఆ సిరీస్‌లో ఆడాను’’ అని వెల్లడించాడు.



Source link

Leave a Reply

Your email address will not be published. Required fields are marked *