సరైన నిద్రలేకపోతే ప్రమాదమే..!



ఆకలికి ఆహారం ఎంత అవసరమో… దాహానికి నీరు ఎంత అవసరమో… శరీరానికి నిద్ర కూడా అంతే అవసరం. నిద్ర సరిగా పోకపోతే పలురకాల సమస్యలు తలెత్తే ప్రమాదం ఉంది. ఈ మధ్య.. తేలిన ఓ అధ్యయనంలో… నిద్ర సరిగా పోనివారికి ఆయువు కూడా తగ్గిపోతుందట… రోజుకు మనిషి కనీసం 6 నుంచి 8 గంటల వరకు నిద్రపోవాలి. వయోవృద్ధులు, పిల్ల‌లైతే రోజుకు తప్పనిసరిగా 10 గంటలు నిద్రపోవాల్సిందే. కనీసం 6 గంటలైనా నిద్ర లేకపోతే… మనం చేతులారా అనారోగ్య సమస్యలు కొనితెచ్చుకున్నట్లే. అవేంటో ఓ సారి చూద్దాం…!

నిద్రలేమివల్ల కలిగే అనారోగ్య సమస్యలు…

  • శరీరానికి సరిపడా నిద్ర‌లేకపోతే ‘డిప్రెష‌న్’కు గురువుతారు. ఈ డిప్రెషన్ ఇత‌ర అనారోగ్య స‌మ‌స్య‌ల‌కు కూడా దారి తీసే ప్రమాదం ఉంది.
  • 6 గంటల కన్నా తక్కువ నిద్రపోయేవారు రోజంతా డల్‌గా ఉంటారు. ఉత్సాహంగా ఏ పనికూడా చేయ‌లేరు.
  • నిద్రలేమి సమస్య… మెద‌డుపై తీవ్ర ప్ర‌భావం చూపుతుంది. దీంతో జ్ఞాప‌క‌శ‌క్తితోపాటు… ఆలోచ‌నా శ‌క్తి కూడా త‌గ్గుతుంది. ఇది విద్యార్థులపై తీవ్ర ప్రభావం చూపుతుంది.
  • శ‌రీరానికి స‌రిప‌డా ఆక్సిజ‌న్ ల‌భించ‌దు. దీంతో ఒత్తిడి, ఆందోళ‌న వంటి స‌మస్య‌లు ఎదురవుతాయి. దీని ప్రభావం రెండు రోజుల వరకు ఉంటుంది.
  • ఏ పనిమీద ఏకాగ్రత కుదరదు. తద్వారా అనుకున్న పని పూర్తిచేయడం కష్టసాధ్యమవుతుంది. ఫలితంగా ఒత్తిడికి గురికావాల్సి వస్తుంది.
  • రోజూ త‌గినన్ని గంట‌లు నిద్రలేకపోతే… ఊబకాయం, బరువు పెరగటం వంటి సమస్యలు ఎదురవుతాయి.
  • స్త్రీ, పురుషుల్లో సెక్స్ కోరికలు త‌గ్గుతాయి. ముఖ్యంగా పురుషుల్లో టెస్టోస్టిరాన్ హార్మోన్ స్థాయిలు త‌గ్గి..సెక్స్ సామ‌ర్థ్యం తగ్గే అవకాశం ఉంది.
  • వృద్ధాప్య ఛాయలు త్వ‌ర‌గా దరిచేరతాయి. నిద్రలేమి ఎక్కువైతే ఒక్కోసారి ప్రాణానికి కూడా ప్రమాదం ఉంటుంది.
  • హాయిగా నిద్రపోదాం… ఆరోగ్యంగా ఉందాం… ఆనందంగా ఉందాం…



Source link

Leave a Reply

Your email address will not be published. Required fields are marked *