హెచ్‌డీఎఫ్‌సీ బ్యాంక్ అదరగొట్టింది..!



దేశీ దిగ్గజ ప్రైవేట్ రంగ బ్యాంక్ హెచ్‌డీఎఫ్‌సీ బ్యాంక్ దుమ్మురేపింది. కరోనా వైరస్ ఎఫెక్ట్‌లోనూ దుమ్మురేపే ఆర్థిక ఫలితాలు ప్రకటించింది. బ్యాంక్ గత ఆర్థిక సంవత్సరం జనవరి-మార్చి (క్యూ4, 2019-20)లో రూ.6927 కోట్ల నికర లాభాన్ని నమోదు చేసింది. 2018-19 ఆర్థిక సంవత్సరపు క్యూ4లో బ్యాంక్ నికర లాభం రూ.5885 కోట్లుగా ఉండటం గమనార్హం. అంటే వార్షిక ప్రాతిపదికన బ్యాంక్ నికర లాభం దాదాపు 18 శాతం పెరిగింది.

హెచ్‌డీఎఫ్‌సీ బ్యాంక్ నికర వడ్డీ ఆదాయం కూడా పెరిగింది. రూ.15,204 కోట్లకు చేరింది. 2018-19 క్యూ4లో బ్యాంక్ నికర వడ్డీ ఆదాయం రూ.13,089 కోట్లుగా ఉంది. బ్యాంక్ అడ్వాన్స్‌లు 21.3 శాతం పెరిగాయి. ఇక డిపాజిట్లు కూడా 24.3 శాతం పైకి కదిలాయి. ప్రస్తుత క్యూ4లో బ్యాంక్ నిర్వహణ ఖర్చులు రూ.8277 కోట్లుగా ఉన్నాయి. ఖర్చులు కూడా 16.3 శాతం పెరిగాయి.

Also Read:

బ్యాంక్ రుణ నాణ్యత కూడా మెరుగుపడింది. త్రైమాసికం పరంగా చూస్తే.. స్థూల మొండి బకాయిలు 1.26 శాతానికి దిగిరావడం ఇందుకు కారణం. నికర ఎన్‌పీఏలు కూడా 0.36 శాతానికి తగ్గాయి. విలువ పరంగా చూస్తే.. స్థూల ఎన్‌పీఏలు 5.8 శాతం తగ్గుదలతో రూ.12,650 కోట్లకు దిగివచ్చాయి. నికర ఎన్‌పీఏలు ఏకంగా 20.72 శాతం క్షీణతతో రూ.3542 కోట్లకు తగ్గాయి.

ఇకపోతే బ్యాంక్ మొండి బకాయిల కేటాయింపులు కూడా ఈసారి బాగా పెరిగాయి. రూ.3784 కోట్లుగా నమోదయ్యాయి. త్రైమాసికం పరంగా చూస్తే కేటాయింపులు 24 శాతం పెరిగాయి. వార్షిక ప్రాతిపదికన చూస్తే కేటాయింపు ఏకంగా రెట్టింపు అయ్యాయి. ఇక కాసా రేషియో మార్చి క్వార్టర్‌లో 42 శాతంగా ఉంది.



Source link

Leave a Reply

Your email address will not be published. Required fields are marked *