హ్యాపీ బర్త్‌డే వైస్ కెప్టెన్.. రహానె అందరివాడు



భారత టెస్టు జట్టు వైస్ కెప్టెన్ శనివారం (జూన్ 6) 32వ పడిలోకి అడుగుపెట్టాడు. మ్యాచ్ ఎలాంటి స్థితిలో ఉన్నా సహనంతో మెలిగే రహానె.. మైదానంలో వివాదరహితుడనే పేరుంది. 2011లో భారత్ జట్టులోకి ఎంట్రీ ఇచ్చిన అజింక్య.. టీమ్ అవసరాలకి అనుగుణంగా ఓపెనర్ నుంచి ఏడో స్థానం వరకూ బ్యాటింగ్ చేశాడు. అయితే.. గత రెండేళ్లుగా కేవలం టెస్టులకే పరిమితమైన రహానె.. వన్డే, టీ20ల్లో తనపై ఎందుకు వేటు వేశారు..? అని ఇప్పటి వరకూ ఒక్కసారి కూడా సెలక్టర్లని ప్రశ్నించలేదు. అదీ అతని వ్యక్తిత్వం. అందుకే.. రహానె అందరికీ ఇష్టుడిగా మారాడు.

అజింక్య రహానెకి పుట్టిన రోజు శుభాకాంక్షలు తెలుపుతూ.. కెప్టెన్ విరాట్ కోహ్లీ, ఓపెనర్ రోహిత్ శర్మ, ఆఫ్ స్పిన్నర్ రవిచంద్రన్ అశ్విన్, మిడిలార్డర్ బ్యాట్స్‌మెన్ చతేశ్వర్ పుజారా, వికెట్ కీపర్ సాహా, టీమిండియా హెడ్ కోచ్ రవిశాస్త్రి తదితరులు ట్వీట్ చేశారు. కానీ.. వీరిలో సగం మంది రహానె వన్డే, టీ20 బ్యాటింగ్ సామర్థ్యాన్ని సందేహించినవారే. కెప్టెన్ విరాట్ కోహ్లీ సైతం పరిమిత ఓవర్ల క్రికెట్‌లో రహానెకి పెద్దగా మద్దతు ఇవ్వలేదు. దాంతో.. టెస్టుల్లో వైస్ కెప్టెన్‌ హోదాలో ఉన్న రహానె.. టీ20, వన్డే జట్టులో చోటు కోసం రెండేళ్లుగా నిరీక్షిస్తున్నాడు.

భారత్ తరఫున ఇప్పటివరకూ 65 టెస్టులాడిన రహానె 11 సెంచరీలు నమోదు చేశాడు. ఇక ఆడిన 90 వన్డేల్లో 3 శతకాలు సాధించిన రహానె.. 20 టీ20ల్లో ఒక్క హాఫ్ సెంచరీ నమోదు చేశాడు. ఐపీఎల్‌లో గత రెండేళ్లుగా మెరుపు ఇన్నింగ్స్‌లు రహానె ఆడినప్పటికీ.. అతని వన్డే, టీ20 జట్టులోకి మాత్రం పిలుపురాలేదు.



Source link

Leave a Reply

Your email address will not be published. Required fields are marked *