10 months old boy wins corona : కరోనాను జయించిన పది నెలల బాలుడు – 10-months-old boy wins fight against coronavirus in tamil nadu


కరోనాపై పోరాటంలో ఇటీవలే కేరళలో ఓ వృద్ధ జంట విజయం సాధించగా.. తాజాగా తమిళనాడులో పది నెలల బాలుడు కరోనా మహమ్మారిని జయించాడు. కోయంబత్తూరులోని ఈఎస్ఐ హాస్పిటల్‌లో చికిత్స పొందించిన ఈ చిన్నారికి మళ్లీ పరీక్షలు నిర్వహించగా నెగటివ్ అని తేలడంతో సోమవారం డిశ్చార్జ్ చేశారు. ఆ బాలుడి తల్లి రైల్వే డాక్టర్‌గా పని చేస్తున్నారు. ఈరోడ్‌లో ఓ పేషెంట్ ద్వారా ఆమెకు కరోనా సోకగా.. తల్లి నుంచి ఆ పసివాడికి కోవిడ్ సోకింది.


హాస్పిటల్‌లో ఐసోలేషన్‌లో ఉంచిన అనంతరం ఆ బాలుడితోపాటు అతడి తల్లి శాంపిళ్లను రెండు సార్లు పరీక్షించగా నెగటివ్ అని తేలింది. దీంతో వారిని డిశ్చార్జ్ చేశారు. సోమవారం మరో ముగ్గుర్ని కూడా కోయంబత్తూర్ ఈఎస్ఐ హాస్పిటల్ నుంచి డిశ్చార్జ్ చేశారు. వీరిని 28 రోజులపాటు హోం క్వారంటైన్లో ఉండాలని ఆదేశించినట్లు జిల్లా కలెక్టర్ తెలిపారు.

కోయంబత్తూర్ జిల్లాలో ఇప్పటి వరకూ కోవిడ్ కేసుల సంఖ్య 59కి చేరింది. సదరన్ రైల్వేలో ఇంజినీర్‌గా పని చేస్తున్న ఓ వ్యక్తికి కరోనా పాజిటివ్ అని తేలింది. కొద్ది రోజుల క్రితం ప్రయివేట్ హాస్పిటల్‌లో చేరిన ఆయనకు శ్వాస సంబంధ సమస్యలు తలెత్తడంతో పరీక్షలు నిర్వహించగ కోవిడ్ సోకినట్లు నిర్ధారణ అయ్యింది. ఇటీవలే సేలం వెళ్లిన ఆయన గర్భవతి అని తన కూతుర్ని ఇంటికి తీసుకొచ్చారు. పాజిటివ్ అని తేలడంతో.. ఆయన్ను ఈఎస్ఐ హాస్పిటల్‌లో చేర్పించి.. కుటుంబ సభ్యులను పరిశీలనలో ఉంచారు.





Source link

Leave a Reply

Your email address will not be published. Required fields are marked *