11 digit mobile number: త్వరలో 11 అంకెల ఫోన్ నెంబర్.. ట్రాయ్ కీలక నిర్ణయం – trai recommends 11-digit mobile numbers


ఇప్పటివరకు మనం వాడుతున్న ఫోన్ నెంబర్లకు కేవలం 10 నెంబర్లు మాత్రమే ఉంటాయి. సిరీస్ మారుతుంటాయి.. కానీ…ఏ జిల్లా అయినా ఏ రాష్ట్రమైన ఒక ఫోన్ నెంబర్‌లో … అంకెలు మాత్రం కేవలం పదే ఉంటాయి. అయితే ఇప్పుడు ఇదే విషయంలో టెలికమ్ రెగ్యులేటరీ అథారిటీ ఆఫ్ ఇండియా ( ట్రాయ్ ) కీలక నిర్ణయం తీసుకుంది. ఇక నుంచి మన దేశంలో విడుదల చేయబోయే ఫోన్ నంబర్ల సంఖ్యను 11కు పెంచుతున్నట్టు స్పష్టం చేసింది. టెలికమ్ సంస్థలు వీలలైనంత త్వరగా ఈ విధాన్ని అమలు చేయాలని సూచించింది. దీంతో ఇక నుంచి 10 అంకెలుగా ఉన్న ఫోన్ నంబర్లు కొత్తగా రాబోయే కనెక్షన్లలో 11 ఉండనున్నాయి. దీనికి సంబంధించిన నంబిరింగ్ ప్లాన్ సిద్ధం చేయాలని సూచించింది.

ప్రస్తుతం 9 వ సిరీస్‌తో ప్రారంభమయ్యే వాటిలో 10 అంకెలకు బదులు 11కు పెంచాలని సూచించింది. దీని ద్వారా దేశంలో కొత్తగా అందుబాటులోకి వచ్చే కనెక్షన్ల సంఖ్య పెరుగుతుందని స్పష్టం చేసింది. ఈ మార్పు వల్ల దేశంలో సుమారు 7 వేల కోట్ల ఫోన్ కనెక్షన్ల వాడుకొనే వెసులుబాటు ఉన్నట్టుగా చెప్పింది. ఫిక్స్ డ్ లైన్ కనెక్షన్ నుంచి ఫోన్ చేయాలంటే మొబైల్ నెంబర్ కు ముందు సున్న ‘0’ ను ఉపయోగించాలని కూడా సూచించింది. అదే విధంగా, “డాంగల్స్” కు ప్రస్తుతం వాడే 10 నెంబర్ల స్థానంలో 13 నెంబర్లు వాడకానికి సిఫార్సు చేసింది. సాధ్యమైనంత త్వరలో “నేషనల్ నెంబరింగ్ ప్లాన్” ను జారీ చేయాలని ట్రాయ్ సిఫార్సు చేసింది.

ప్రస్తుతం 7, 8, 9 అంకెలతో మొదలయ్యే ఫోన్‌‌ నెంబర్లు వాడుకలో ఉన్నాయి. ఈ సిరీస్‌‌లో అన్ని నెంబర్లు అయిపోతుండటంతో కొత్త నెంబర్ల అవసరం ఏర్పడింది. దీంతో త్వరలో 11అంకెలతో ఫోన్‌‌ నెంబర్లు ప్రారంభమయ్యే వీలుంది. ఇప్పటికే ఇండియా లో 1.2 బిలియన్ ఫోన్ కనెక్షన్ లు ఉన్నాయి . 2050 నాటికి రెండు రేట్లు పెరిగి దాదాపు 3.8 బిలియన్ కి చేరే అవకాశం ఉందని అంచనా.అయితే ఇప్పటి ఉన్న 10 అంకెల నెంబర్ ల తో కేవలము 250 కోట్ల వినియోగదారుల కు మాత్రమే సరిపోతాయి. ఇంకా ఎక్కువ నెంబర్స్ కావాలంటే11 అంకెల నెంబర్ తీసుకు రావాల్సి ఉంటుంది.

కొత్త సిరీస్ లను 3 , 5 ల తో ప్రారంభించడానికి ట్రాయ్ యోచిస్తోంది. మొబైల్ ఫోన్ల ద్వారా డేటా కనెక్షన్ తీసుకునేవారికి 13 నెంబర్లు కేటాయింపును కూడా ఆలోచిస్తోంది ల్యాండ్ లైన్ కి 10 నెంబర్ ల ను కొనసాగిస్తూ మొబైల్ నెంబర్ కి 11 నెంబర్ లు ఉండేట్టు గా నంబరింగ్ విధానాన్ని తీస్కురావాలి అని కేంద్రం మరియు ట్రాయ్ ఆలోచిస్తున్నాయి. త్వరలోనే దీనిపై ఒక నిర్ణయానికి వచ్చే అవకాశాలు కనిపిస్తున్నాయి.



Source link

Leave a Reply

Your email address will not be published. Required fields are marked *