15 districts sealed in up : 15 జిల్లాల్లోని హాట్‌స్పాట్‌లు మూసివేత.. యూపీ సర్కారు కీలక నిర్ణయం – up govt decides to seal all covid-19 hotspots in 15 districts till april 15th


కోవిడ్-19 వ్యాప్తిని అరికట్టడం కోసం ఉత్తరప్రదేశ్ ప్రభుత్వం కీలక నిర్ణయం తీసుకుంది. రాష్ట్రంలోని 15 జిల్లాల్లో ఉన్న కరోనా ప్రభావిత ప్రాంతాలు లేదా హాట్‌స్పాట్‌లను ఏప్రిల్ 15వ తేదీ ఉదయం వరకు సీల్ చేస్తున్నట్లు ప్రకటించింది. ఈ నిర్ణయం ప్రకారం కరోనా సామూహిక వ్యాప్తిని అరికట్టడం కోసం ఆరు లేదా అంత కంటే ఎక్కువ కేసులున్న ప్రాంతాలను పూర్తిగా మూసివేస్తారు. ప్రభుత్వ నిర్ణయంతో.. వారం రోజులపాటు ఈ ప్రాంతాల్లోని ప్రజలెవరూ ఇళ్ల నుంచి బయటకు రావడానికి వీలుండదు. వీరికి నిత్యావసరాలను హోం డెలివరీ చేస్తారు.


యూపీ సీఎం యోగి ఆదిత్యనాథ్ అధ్యక్షత జరిగిన అత్యున్నత స్థాయి సమావేశంలో ఈ మేరకు నిర్ణయం తీసుకున్నారు. మూసివేస్తున్న జిల్లాల్లో గౌతమ్‌బుద్ధ నగర్ (నోయిడా), ఘజియాబాద్, మీరట్, లక్నో, ఆగ్రా, కాన్పూర్, వారణాసి, షమ్లీ, షహరన్‌పూర్, ఫిరోజాబాద్, బులంద్‌షహర్, బరేలీ, బస్తీ, మహారాజ్‌గంజ్, సీతాపూర్‌ జిల్లాలు ఉన్నాయి.

ఈ జిల్లాల్లోని హాట్‌స్పాట్‌ల్లో నిత్యావసరాలను నూరు శాతం ఇళ్లకు వెళ్లే అందిస్తామని చీఫ్ సెక్రటరీ ఆర్కే తివారీ తెలిపారు. దుకాణాలు, కూరగాయల మార్కెట్లు కూడా తెరవడానికి వీల్లేదని స్పష్టం చేశారు. హెల్త్ వర్కర్లు, నిత్యావసరాలు సరఫరా చేసేవాళ్లు మినహా ఎవరూ ఇంట్లో నుంచి అడుగు బయటపెట్టొద్దని ఆదేశించారు.





Source link

Leave a Reply

Your email address will not be published. Required fields are marked *